चितवन, असोज २५–
उजुरी परेका चितवनका दुवै जना उम्मेदवारी कायम भएको छ । चितवन क्षेत्र नं.१ मा उम्मेदवारी दिनुभएका नेपाली कांग्रेसका डा. विश्वनाथ पौडेल र चितवन क्षेत्र नं.३ मा प्रतिनिधिसभामा उम्मेदवारी दिनुभएका एमाले चितवनका अध्यक्ष रामप्रसाद न्यौपानेको उम्मेदवारी कायम रहेको हो ।
क्षेत्र १ का उम्मेदवार डा. पौडेलले राष्ट्रिय योजना आयोगको उपाध्यक्ष पदबाट राजीनामा दिइसकेको पाईएकोले उहाँको उम्मेदवारी कायम रहेको निर्वाचन कार्यालयले जनाएको हो । त्यस्तै,दावी बिरोधमाथि जाँचबुझ गर्दा क्षेत्र नं.३ का उम्मेदवार न्यौपानेले वीपी कोइराला मेमोरियल क्यान्सर अस्पतालको संचालक समितिको सदस्यबाट राजीनामा दिईसकेको देखिएकाले उम्मेदवारी कायम गरिएको निर्वाचन कार्यालयले जनाएको छ ।
