चितवन, असोज २४–
प्रतिनिधिसभातर्फ चितवन क्षेत्र नं-१ मा उम्मेदवारी दर्ता गराएका नेपाली कांग्रेसका डा।विश्वनाथ पौडेलविरुद्ध उजुरी परेको छ ।
आज उम्मेदवारको विरोधमा उजुरी दिने समय रहेकोमा डा।पौडेलविरुद्ध स्वतन्त्र उम्मेदवारी दिएका कांग्रेसकै राजेन्द्र बुर्लाकोटीले उजुरी दिएका हुन् ।
उनले निर्वाचन अधिकृतको कार्यालयमा उम्मेदवार पौडेल राष्ट्रिय योजना आयोगको उपाध्यक्ष पदमा बहाल रहेकोले उम्मेदवारी खारेज गरीपाउँ भन्दै उजुरी दर्ता गराएका हुन् ।
पौडेलविरुद्धको उजुरीको सम्बन्धमा जाँचबुझ गरि उम्मेदवारको नामावली प्रकाशन गरिने कार्यालयले जनाएको छ । पौडेल रत्ननगर नगरपालिका–३ निवासी हुन् ।
तेस्रोपटक चुनाव लड्न टिकट नपाएपछि बुर्लाकोटीले स्वतन्त्र उम्मेदवारी दिएको बताएका छन् ।
तपाईको प्रतिक्रिया
सम्बन्धित समाचार
