चितवन, असोज २३ –
राष्ट्रिय स्वतन्त्र पार्टीका सभापति रवि लामिछाने जीवनभर चितवनकै मान्छे हुने बताएका छन् ।
प्रतिनिधिसभा निर्वाचनमा चितवन क्षेत्र नम्बर २ बाट उम्मेदवारी दिएपछि सञ्चारकर्मीहरुसँग प्रतिक्रिया दिँदै उनले यस्तो बताएका हुन् । उनले चितवनमै घर बनाउने र चितवनबासीले लगाएको गुन तिर्ने प्रतिकृया दिएका छन् ।
यस्तै लामिछानेले सामाजिक सञ्जालमा एउटा स्टाटस पनि सेयर गरेका छन् । चितवनमा पहिले आँसु बोकेर आए पनि अहिले सपना बोकेर आएको उनले लेखेका छन् ।
उनले सामाजिक सञ्जालमा लेखेका छन्, “एउटा समय यस्तो थियो जब मलाई झुक्याएर रातारात भरतपुर चितवन पु¥याइयो र आधा रातमा हिरासतमा कोचियो । म आँखामा अन्योल र आँसु बोकेर चितवन आएको थिएँ । अर्को समय आज जहाँ म आफ्नै इच्छा र चाहनाले आँखा भरी सपना र समाज परिवर्तनको योजना बोकेर चितवन आएको छु । यसपटक म नफर्कने गरेर आएको छु । म चितवनले लगाएको गुण तिर्न चाहन्छु जीवनभर चितवनको मान्छे बनेर । मंसिर ४ को लागि चितवन २ मेरो निर्वाचन क्षेत्र र चुनाव चिह्न घण्टी ।”
