चितवन, भदौ २४-
सिन्धु विकास बैंक लिमिटेड पर्सा शाखाले आज चितवनको एक विद्यालय र एक छात्रावासमा विभिन्न शैक्षिक तथा खेलकुद सामग्रीहरु वितरण गरेको छ।
बैंक स्थापनाको १२ औं वर्ष पुरा गरी १३ औं वर्षमा प्रवेश गरेको उपलक्ष्यमा चितवनको खैरहनी नगरपालिका वडा नम्वर ८ स्थित राष्ट्रिय आधारभुत विद्यालय मगनी र कालिका नगरपालिका वडा नम्वर १० स्थित सिद्वी छात्राबास लाई शैक्षिक तथा खेलकुद सामाग्री वितरण गरेको हो ।
राष्ट्रीय आधारभुत विद्मालय, मगनीका २५५ जना विद्यार्थीलाई ५१५ थान कापी, ३०० सेटको पेन्सिल, पेन, इरेजर, साप्नर, १ थान फुटबल , ५ थान स्कीपिङ (डोरी), १ थान डस्टबिन र चकलेट प्रधानाध्यपक प्रेमराज भुर्तल मार्फत विद्यालयलाई हस्तानतरण गरेको र सिद्वी छात्राबासका ४५ जना विद्यार्थीलाई ११० थान कापी, २०० सेटको पेन्सिल, पेन, इरेजर, साप्नर, ५० थान टुथब्रस, ३ थान टुथपेस्ट छात्राबासका सञ्चालक भरत चेपाङ मार्फत छात्राबास लाई हस्तानतरण गरेको सिन्धु विकास बैंक पर्सा शाखाका प्रमुख वास्तविक थपलियाले बताए ।
उनले बैंकले पनि सामाजिक उत्तरदायित्व निर्वाह गर्नुपर्ने सिन्धु बैंकको मान्यता रहेको उल्लेख गर्दै सिन्धु बैंक सधैं सामाजिक कार्यमा हातेमालो गर्दै अघि बढ्ने बताए ।
सिन्धुपाल्चोक जिल्लाकै प्रथम विकास बैंकको रुपमा स्थापित यस बैंकले आफ्नो कार्यक्षेत्र सिन्धुपाल्चोक, दोलखा, काभ्रेपलाञ्चोक, मकवानपुर र चितवन जिल्ला समेत गरी ५ जिल्लाहरुमा २५ वटा शाखा कार्यालयहरु र एउटा सिमित बैकिङ्ग ईकाइबाट बैकिङ्ग सेवा प्रदान गर्दै आईरहेको छ ।
बैंकले आफ्नो कार्यक्षेत्रका अधिकांश ग्रामिण भेगहरुमा बैंकिङ्ग सेवा विस्तार गरी उक्त क्षेत्रमा बसोवास गर्ने सर्वसाधारण ब्यक्तिहरुलाई सर्वसुलभ तवरले सेवा प्रदान गर्दै आईरहेको छ ।
