चितवन, भदौ १९ –
चितवन निर्वाचन क्षेत्र नं. २ ख मा प्रदेश सांसदका लागि एमालेबाट बाबुराम अधिकारीले आवेदन दिएका छन् । उनले आज क्षेत्रीय समन्वयन कमिटीमा आवेदन दिएका हुन् ।
अधिकारी भरतपुर– ११ का निवर्तमान जनप्रतिनिधि तथा पूर्व वडाअध्यक्ष हुन् । विद्यार्थी जीवनकालबाट नै सशक्त राजनीतिमा प्रवेश गरेका अधिकारी साविक जगतपुर गाविसमा विंसं. २०५८–२०६२ नेकपा (एमाले) गाउँ कमिटी सचिवका रुपमा २ कार्यकाल, २०६६–२०७२ सम्म भरतपुर–११ का पार्टी अध्यक्ष, २०७४ को स्थानीय तह निर्वाचनबाट जन निर्वाचित वडा अध्यक्ष,
नेकपा (एमाले) चितवनको २ कार्यकाल जिल्ला कमिटी सदस्य रहिसकेका छन् ।
हाल जिल्ला कमिटी सदस्य र भरतपुर–११ का ईन्चार्ज समेत रहेका अधिकारी सशस्त्र द्वन्दकालमा राज्यपक्षबाट पीडित व्यक्ति समेत हुन् । आफ्नो जीवनकाल नै राजनीतिमा बिताएका अधिकारीलाई प्रदेश २ ख मा टिकट दिनुपर्ने कुरा आम क्षेत्रवासीहरुले खुलेरै समर्थन गर्न सुरु गरेका छन् ।
