चितवन, भदौ १३ –
नेपाल शैक्षिक परामर्श संघ (इक्यान) चितवनले २६ औं स्थापना दिवस मनाएको छ ।
आज सोमाबर विभिन्न कार्यक्रमको आयोजना गरी स्थापना दिवस मनाइएको हो । स्थापना दिवसका अवसरमा इक्यानले देवघाटमा अवस्थित एनआरएनद्वारा सञ्चालित वृद्धाश्रममा खाद्यान्न सामग्री सहयोग गरेको छ । एक कार्यक्रका बीच इक्यानले खाद्यान्न सहयोग गरेको हो ।
यसअघि इक्यानले रोयल सेन्चुरीको हलमा स्वागत तथा शुभकामना आदान–प्रदान कार्यक्रम आयोजना गर्दै नयाँ सदस्यता प्राप्त गरेकाहरुलाई प्रमाण पत्र प्रदान गरेको थियो । कार्यक्रमका प्रमुख अतिथि उद्योग वाणिज्य संघ–चितवनका अध्यक्ष चुननारायण श्रेष्ठ, विशिष्ट अतिथि एनपीआई कलेजका कार्यकारी प्रमुख शिव सुवेदी, इक्यान चितवनका संस्थापक अध्यक्ष सोम सुवेदी र इक्यान चितवनका अध्यक्ष समुन्द्र अर्यालले नयाँ सदस्यहरुलाई प्रमाणपत्र प्रदान गरेका थिए ।
उवासंघ चितवनका अध्यक्ष श्रेष्ठले एक जना शैक्षिक परामर्श व्यवसायीको गलत कदमले पुरै क्षेत्र नै बदमनाम हुने भन्दै आधिकारिक र प्रमाणित कामहरु मात्रै गर्न आग्रह गरे । क्षणिक फाइदाका लागि कसैले पनि काम नगर्न उनले आग्रह गरे ।
इक्यानका अध्यक्ष अर्यालले विद्यार्थीहरुलाई नेपालबाट विदेश मात्रै पठाउने नभई विदेशबाट समेत विद्यार्थी नेपाल ल्याउने तयारी भइरहेको बताए ।
कार्यक्रममा इक्यानका केन्द्रीय सदस्य सुवास गौतम, पूर्व केन्द्रीय सदस्य यज्ञविलास पौडेल (वाइबी) लगायत शिक्षा क्षेत्र एवम् सञ्चार क्षेत्रका व्यक्तित्वहरुको उपस्थिति रहेको थियो ।
