चितवन, साउन २५-
चितवनको भरतपुरमा अन्नपूर्ण भोकेस्नल स्कुल एण्ड एजुकेशन सर्भिसेस संचालनमा आउने भएको छ ।
चितवनमा पहिलो पटक २ बर्षे प्रोफेश्नल कुलिनरी आर्टस्मा डिप्लोमा गराउन अन्नपूर्ण भोकेस्नल स्कुल एण्ड एजुकेशनल सर्भिसेज संचालनमा आउने भएको हो ।
एसईई दिएका तथा जुनकसुकै ग्रेड ल्याएका विद्यार्थीहरु, प्लस टु दिएका र पास भएका विद्यार्थीहरुले कोर्स सकेपछि नेपाल र विदेशका विभिन्न मुलुकमा ब्याचलरका लागि क्रेडिट ट्रान्सफरको सुविधा पाउने अन्नपूर्ण भोकेस्नल स्कुल एण्ड एजुकेशनल सर्भिसेसका प्रबन्ध निर्देशक रबिन्द्र बुढाथोकीले बताए ।
उनका अनुसार चितवनमा नै पहिलो पटक अन्तराष्ट्रिय स्तरको मापदण्ड अनुसारको तालिम प्रदान गर्ने भएकाले अन्नपूर्ण भोकेस्नल स्कुलले कक्षा कोठा सेटअप, ल्याब सेटअप र व्यवस्थापनमा विशेष ध्यान दिएको छ ।
साथै तालिम मात्रै नभइ विद्यार्थीहरुको हस्पिटालिटी कल्चर अभिवृद्धिका लागि विभिन्न कार्यक्रमको समेत आयोजना गरिने प्रबन्ध निर्देशक बुढाथोकीको भनाइ छ ।
अहिले कोर्स लिन इच्छुक विद्यार्थीहरुको नाम दर्ता तथा अन्तरवार्ताबाट समेत विद्यार्थी छनोट भइरहेको स्कुलले जनाएको छ ।
दुई बर्षमा चार सेमेस्टर, तीन सेमेस्टर अमेरिकी स्ट्यान्डर्डमा व्यवहारिक र सैद्धान्दिक दुवै किसिमको पढाइ हुने, अन्तिम चौथो सेमेस्टर नेपाल, भारत वा अन्य देशहरुमा इन्टनसीप गराइने,टेक्निकल पार्टनर अमेरिकन हस्पिटालिटी एकेडेमी युएस को सहकार्यमा संचालित, कोर्स सकेपछि विश्वस्तरीय होटेलहरुमा रोजगारी प्रदान गरिने, कोर्सपछि इच्छुक विद्यार्थीहरुले नेपालमा नै ब्याचर इन इन्टरनेशनल कुलिनरी पढ्न पाउने छन् भने अष्ट्रेलिया, न्युजिल्याण्ड, अमेरिकाजस्ता देशहरुमा ब्याचलर डिग्रीका लागि क्रेडिट ट्रान्सर्फर समेत गर्न पाउने अन्नपूर्ण भोकेस्नल स्कुल एण्ड एजुकेशन सर्भिसेसको कोर्सका विशेषताहरु हुन् ।
