चितवन, असार २६ –
पूर्वाञ्चल विश्वविद्यालयबाट एमविए उत्तीर्ण गरेका एक युवाले घडेरी बजार डटकमको सुरूवात गरेका छन् ।
घर जग्गा कारोबारमा हुने कमिसन प्रथालाई निरूत्साहन गर्न र खरिदकर्ता र बिक्रीकर्ता दुवैलाई प्रत्यक्ष वा अप्रत्यक्ष सम्पर्क गराउने उद्देश्यले घडेरी बजार डटकम सुरु गरिएको सञ्चालक विपिन कंडेलले बताए ।
यदि कसैले घर जग्गा विक्री गर्न चाहेमा घडेरी बजार डटकममा गएर आफ्नो युजर एकाउन्ट बनाइ आफ्नो सम्पतिको सम्पूर्ण विवरणहरु, घर जग्गाको फोटो, मूल्य, ठेगाना र उपलब्ध सेवा सुविधाहरु साथै अन्य आवश्यक जानकारीहरू राख्न सक्नेछन् । र खरिदकर्ताले आवश्यकता र चाहना बमोजिम घर जग्गा छनोट गरी बिक्रीकर्तासँग कारोबार गर्न सकिने व्यवस्था मिलाउन खोजिएको छ ।
आजको व्यस्त समय र प्रविधिको युगमा घरबाटै सबै काम गर्न सकिन्छ । अनलाइनबाटै आफूले चाहेको सामान खरिद विक्री हुने प्रवृति बढ्दो भएकोले त्यसलाई मध्ये नजर गर्दै घर जग्गा कारोबारमा पनि सहजीकरण गर्ने उद्देश्यका साथ घडेरी बजार डटकम सुरु गरिएको र यसले गर्दा जुन सुकै, जहाँ सुकै र जहिले पनि मानिसले आफूले चाहेको घर जग्गाको बारेमा जानकारी लिन सक्ने र अनलाइनबाटै सम्पर्क गरेर खरिद विक्री गर्न सक्ने सुविधा पनि उपलब्ध भएको उनले बताए । साथै यसलाई आवश्यकता अनुसार स्तर उन्नति गर्दै लैजाने उनको योजना छ ।
घडेरी बजारमा गएर घर जग्गा सम्बन्धीको सम्पूर्ण समाचारहरु हेर्न र पढ्न पाउने सुविधा पनि उपलब्ध छ । साथसाथै यदी कसैले अपार्मेन्ट बिक्री गर्न र खरिद गर्न चाहेमा सजिलै घडेरी बजारमा गएर त्यसबारे सम्पूर्ण जानकारी लिन सक्नेछन् र सिधै बिक्रेतासँग सम्पर्क गर्न सकिने छ ।
एक बर्ष अगाडिमात्र एमविए उत्तीर्ण गरेका चितवनका उद्यमी युवा विपिन कंडेलले भि ग्रुप कन्स्ट्रक्सन एण्ड डेभलपर्स प्रालिको माध्यमबाट घडेरी बजार डटकम सुरु गरेका हुन् ।
उनी विगत १४ बर्षदेखि विभिन्न सामाजिक गतिविधिमा सकृय रहँदै भि ग्रुप नेपालको माध्यमबाट युवा उद्यमिहरुबीच व्यावसायिक परामर्श र नियमित नव उद्यमी मिलन कार्यक्रम गरी भि ग्रुपको अलगअलग आयामहरू संचालन गर्दै आइरहेका छन् । त्यसको साथसाथै सेवा र विकासका लागि युवा र प्राज्ञिक विद्यार्थी परिषद् नेपालको माध्यमबाट चितवनमा उदाहरणीय कार्यहरू कपडा बैंक, नियमित सरसफाइ अभियानको कुशल नेतृत्व लिई त्यसलाई निरन्तरता, महामारीको समयमा खाद्यान्न वितरण, युवाहरुलाई विभिन्न किसिमका तालिमहरु, जनचेतनामुलक अलगअलग अभियानमा पनि सकृय भूमिका निर्वाहन गर्दै आइरहेका छन् ।
घडेरी बजारले पहिलो चरणमा चितवनमा व्यावसायिक करोबार सुरु गर्ने छ भने बिस्तारै नेपालका अन्य जिल्लाबाट सेवा विस्तार गर्दै जाने संचालकले जानकारी दिए ।
