चितवन, असार २५ –
रवि लामिछाने नेतृत्वको राष्ट्रिय स्वतन्त्र पार्टी (रास्वपा) ले चितवनमा आज जिल्ला भेला गरेको छ ।
सञ्चारकर्म छाडेर यसै महिना लामिछानेले रास्वपा खोलेका थिए । पार्टीको चुनाव चिन्ह घण्टी राखिएको छ ।
पार्टी दर्तापछि चितवनमा पहिलो जिल्ला भेला गरिएको छ । आजको भेलाले जिल्लामा विभिन्न कमिटीहरु गठन गर्ने जनाइएको छ ।
आज भरतपुरको सिएमटी रिर्साेटमा भएको भेलामा लामिछानेलाई सेल्फी खिच्नेहरुले घेराबन्दी नै गरेका थिए । घेराबन्दीलाई छिचोलेर लामिछानेलाई बाहिर निकाल्न सुरक्षाकमीहरुले ठूलै कष्ट गर्नुपरेको थियो ।