चितवन, माघ १७
नेपाली कम्युनिष्ट पार्टी, चितवनले आसन्न प्रतिनिधि सभा निर्वाचनलाई लक्षित गर्दै निर्वाचन परिचालन समिति गठन गरेको छ।
कम्यूनिष्ट पार्टीको जिल्ला कार्यदलका सदस्यहरू पार्टी इन्चार्ज घनश्याम दाहाल, केन्द्रीय सदस्य अशोक थापा, पार्टी संयोजक रामचन्द्र अधिकारी (आरसी), केन्द्रीय सदस्य नरेन्द्र कन्दवङवा र सहितको जिल्लास्तरीय विशेष बैठकले युवा नेता सूर्य सुवेदी (पथिक)लाई निर्वाचन परिचालन समितिको संयोजकको जिम्मेवारी दिएको हो।
पार्टी केन्द्रीय वरिष्ठ सदस्यसमेत रहेका सुवेदी विगतदेखि नै सफल कमाण्डरका रूपमा स्थापित मानिन्छन्।
सुवेदीको संयोजनमा क्षेत्रगत रूपमा चितवन क्षेत्र नं. १ मा कृष्ण खनाल, क्षेत्र नं. २ मा अशोक थापा र क्षेत्र नं. ३ मा बरिष्ठ केन्द्रीय सदस्य ईश्वरी भट्टराईलाई संयोजकको जिम्मेवारी दिइएको छ।
निर्वाचन परिचालन समितिले पार्टी कार्यालयको व्यवस्थापन, आन्तरिक समन्वयदेखि सार्वजनिक प्रस्तुतिसम्मका सम्पूर्ण गतिविधिको नेतृत्व र आवश्यक निर्णय गर्नेछ। भने निर्वाचन समिति मार्फत सबै जिल्लाका कामको संयोजन हुनेछ ।
वि.सं. २०६४ सालदेखि निरन्तर रूपमा निर्वाचन परिचालन गर्दै आएका सुवेदी सरल, हक्की र कडा नेतृत्व क्षमता भएका नेता मानिन्छन्। पार्टी अध्यक्ष प्रचण्ड चितवनबाट निर्वाचन लड्दा तथा भरतपुर महानगरपालिकामा रेनु दाहाल दुई कार्यकालसम्म मेयर पदमा विजयी हुँदा पनि सुवेदीले प्रभावकारी रूपमा कमाण्ड सम्हालेका दिए । भने डा. भोजराज अधिकारी चुनाव उड्दा समेत सुवेदी नै कमाण्डर दिए ।
