काठमाडौं,पुस २२-
राष्ट्रिय स्वतन्त्र पार्टी (रास्वपा)ले प्रतिनिधिसभा सदस्यको प्रत्यक्षतर्फ उम्मेदवारीका लागि आवेदन खुलाएको छ । पहिलो हुने निर्वाचित हुने निर्वाचन प्रणाली अन्तर्गत पार्टीको आन्तरिक उम्मेदवार छनोट प्रक्रियामा सहभागी हुन चाहनेका लागि रास्वपाले उम्मेदवारी समय तोकेको छ ।
मंगलबार रास्वपाले सूचना जारी गर्दै पुस २६ गते राति १२ बजेसम्म उम्मेदवारी दर्ता गर्न सकिने बताएको छ । उम्मेदवारी पार्टीको मोबाइल एप मार्फत पेस गर्न सकिने व्यवस्था गरिएको छ। आगामी फागुन २१ गते प्रतिनिधिसभा निर्वाचन हुँदै छ ।
