चितवन, असोज १३-
नारायणघाट–मुग्लिन सडक खण्डमा गएको पहिरो हटाउन तीन घण्टा लाग्ने अनुमान गरिएको छ । इच्छाकामना–५ तुइन खेलामा आज (सोमबार) मध्याह्न १२ बज गएको पहिरो तुइ तर्फी हटाउन अझै तीन घण्टा लाग्ने सडक डिभिजन कार्यालय चितवनले जानकारी दिएको हो ।
सडक डिभिजन कार्यालय चितवनका सूचना अधिकारी इन्जिनियर कृष्ण आचार्यका अनुसार माथीबाट पहिरो झरिरहेको छ । यद्यपि पहिरो हटाउने काम भने भइरहेको उनले जानकारी दिए ।
दुई तीन बर्ष यता यस स्थानमा पटक पटक पहिरो खसिरहेको छ । पहिरो हटाएर तीन दिनअघि झण्डै ५८ घण्टापछि सडक सञ्चालनमा आएको थियो ।
