हाम्रो शरीरमा रहेका सबै अङ्गहरू निकै महत्त्वपूर्ण छन् । यी अङ्गहरूले हामीलाई हेर्न, सुन्न, बोल्न र काम गर्न मद्दत गर्छन् । यी महत्त्वपूर्ण अङ्गहरू मध्ये एक आँखा हो । यो बिना जीवनको कल्पना गर्न गाह्रो छ। यसले हेर्न त मद्दत गर्छ नै कयौँ गम्भीर रोगहरू पहिचान गर्न पनि मद्दत गर्दछ ।
आँखामा देखिने केही लक्षणहरूले क्यान्सर सहित केही गम्भीर रोगहरू पहिचान गर्न मद्दत गर्दछ । आजको यस लेखमा हामी यिनै लक्षणहरूको बारेमा कुराकानी गर्नेछौँ ।
मधुमेह
आँखामा सुन्निएको छ, जतिबेला पनि आँसु झरिरहन्छ वा असामान्य वेसल ग्रोथ हुनु मधुमेहको सङ्केत हुन सक्छन् । वास्तवमा, यो रगतमा चिनीको उच्च मात्राको कारणले गर्दा हुन्छ, जसले रेटिनाको कयौँ सानो नसाहरूलाई क्षति पुर्याउँछ । सामान्यतया मधुमेहका लक्षणहरू प्रायः ढिलो देखा पर्छन् । यो रोगले शरीर भित्रका अंग र तन्तुहरूलाई चुपचाप क्षति पुयाइसकेको हुन सक्छ ।
उच्च रक्तचाप वा कोलेस्ट्रोल
शरीरमा कोलेस्ट्रोल बढेको छ वा उच्च रक्तचाप भएको छ भने पनि आँखामा केही लक्षणहरू देखिन्छन् । उच्च कोलेस्ट्रोल र उच्च रक्तचाप प्रायः चुपचाप विकास हुन्छ । यस क्रममा कुनै स्पष्ट लक्षण देखिदैंन । तर यसले गम्भीर स्वास्थ्य जोखिमहरू निम्त्याइसकेका हुन्छन् । यस्तो अवस्थामा, स्थिति गम्भीर हुनु अघि आँखाले सङ्केत दिन्छ । उच्च रक्तचापको कारणले गर्दा, रेटिनाको साना नसाहरू प्रायः क्षतिग्रस्त हुन्छन्, जसले गर्दा तिनीहरू साँघुरो वा बाक्लो हुन्छन्, रगत बग्न थाल्छन् । त्यसैगरी, उच्च कोलेस्ट्रोलले आँखाको ढक्कनमा पहेँलो पदार्थ जम्मा हुन थाल्छ ।
क्यान्सर
क्यान्सर र स्नायु सम्बन्धी रोगहरू पनि आँखाको मद्दतले पत्ता लगाउन सकिन्छ । आँखाको क्यान्सर, जस्तै रेटिनोब्लास्टोमा वा आँखा मेलानोमा भएको अवस्थामा रेटिनामा घाउहरू देख्न सकिन्छ । रेटिनामा भालुको पन्जा जस्तो केही ढाँचा देख्नु कोलोन क्यान्सरको सङ्केत हुन सक्छ ।
साथै, मल्टिपल स्क्लेरोसिस र ब्रेन ट्युमर जस्ता स्नायु सम्बन्धी अवस्थाहरूले दृष्टि धमिलो हुने, असमान पुतली प्रतिक्रिया वा अचानक पढ्न कठिनाइ हुने जस्ता लक्षणहरू निम्त्याउन सक्छ ।
थाइराइड
आँखाले पनि थाइराइडलाई सङ्केत गर्दछ । आफ्नो आँखाको ढक्कनको आकारमा परिवर्तन देख्नुभयो भने तपाईँले यसलाई हल्का रूपमा लिनुहुन्न । यो शरीरमा थाइराइडको स्तरमा गडबडीको सङ्केत हुन सक्छ । त्यसैले, यदि यी सङ्केतहरू देखिएमा, निश्चित रूपमा डाक्टरसँग परामर्श गर्नुहोस् ।
अस्वीकरणः यहाँ दिइएका सल्लाह अनलाइनबाट तयार पारिएको हो । यसले सामान्य जानकारी मात्रै दिन्छ । यसलाई पालना गर्नु अघि आफ्नो चिकित्सकसँग परामर्श गर्नु होला ।
