प्रतिवेदनमा पासेलको भनाइ उदृत गर्दै भनिएको छ, “अमेरिकामा काम गर्ने उमेरका मानिसहरूको जनसंख्या बढिरहेको छैन । यसको अर्थ जनशक्ति बढाउने एक मात्र तरिका नयाँ आप्रवासीहरू आउनु हो । यदि, जनशक्ति बढेन भने अर्थतन्त्रका लागि समस्या उत्पन्न हुनेछ ।”

अवैध आप्रवासीको संख्यामा पनि कमी

पासेलले आप्रवासी जनसंख्यामा आएको यो ठूलो गिरावट अभूतपूर्व रहेको बताएका छन् । अमेरिकामा अवैध आप्रवासीहरूको संख्या पनि घट्न थालेको छ । सन् २०२३ मा यो संख्या एक करोड ४० लाख थियो ।

अमेरिकामा आप्रवासीहरूको संख्यामा गिरावट आए पनि विश्वमा सबैभन्दा धेरै आप्रवासी जनसंख्या अझै पनि अमेरिकामा नै छ । अमेरिकाको कुल जनसंख्यामा आप्रवासीहरूको प्रतिशत १५।८ थियो, जुन घटेर अहिले १५।४ प्रतिशतमा झरेको छ । सबैभन्दा धेरै आप्रवासी जनसंख्या टेक्सास र क्यालिफोर्नियामा बस्छन् । इन्डिया टुडे