चितवन, ८ अगस्ट —
नेपालको प्रमुख सूचना प्रविधि कम्पनी प्याराडाइज इन्फोटेकले स्थापना भएको ५ वर्ष पूरा भएको अवसरमा उत्साहका साथ आफ्नो ५औं वार्षिकोत्सव मनाएको छ।
सन् २०१९ मा एक युवाले सुरु गरेको सानो आईटी स्टार्टअप आज ४० भन्दा बढी दक्ष र समर्पित सदस्यहरूको बलियो टिममा विकसित भएको छ। कम्पनीका CEO गबिश खनाल र उहाँकी जीवनसंगीनी सबिना कार्कीको दूरदृष्टि, माया र निरन्तर सहयोग यस यात्राको मूल प्रेरणा बनेको कम्पनीले जनाएको छ।
नेपालमा आईटी क्षेत्रमा असीम सम्भावनामा दृढ विश्वास राख्दै, प्याराडाइज इन्फोटेकले विगत पाँच वर्षमा वेब तथा सफ्टवेयर विकास, डिजिटल मार्केटिङ, ग्राफिक डिजाइन लगायत विविध प्रविधि आधारित समाधानहरू प्रदान गर्दै आएको छ। कम्पनी काठमाडौं र चितवन कार्यालयबाट सेवा उपलब्ध छन्।
विशेषतः, चितवन शाखा, जुन २ वर्ष पुरा भइसकेको छ, शाखा प्रमुख प्रमेेश्वर धरेलको नेतृत्वमा वेब तथा सफ्टवेयर विकास, डिजिटल मार्केटिङ, ग्राफिक डिजाइन लगायत विभिन्न तालिमहरू सञ्चालनमा छ। यी तालिमहरूले चितवनका विद्यार्थी र आईटी क्षेत्रमा आफ्नो भविष्य बनाउने इच्छुक युवाहरूलाई अत्यावश्यक सीप र ज्ञान प्रदान गर्दै आएका छन्।
पाँच वर्षको छोटो अवधिमा, प्याराडाइज इन्फोटेकले आफ्नै उत्पादनहरू पनि विकास गरेको छ — ‘Sajilo Attendance’ नामक हाजिरी व्यवस्थापन प्रणाली, जसले ग्राहकहरूबाट व्यापक प्रशंसा पाएको छ। कम्पनीले निरन्तर नयाँ र आधुनिक प्रणालीहरू विकास गर्दै नेपालका व्यवसाय र संस्थाहरूलाई अझ सहज र प्रभावकारी समाधान प्रदान गर्ने लक्ष्य लिएको छ।
CEO गबिश खनालले भने—
“हाम्रो सफलता टिमको अथक मेहनत, ग्राहक र साझेदारहरूको विश्वास, र परिवार तथा साथीहरूको माया र समर्थनको परिणाम हो। एक जना बाट सुरु भएको यो यात्रा आज ४० सदस्यको परिवारमा परिणत हुनु हामी सबैका लागि गर्वको विषय हो।”
प्याराडाइज इन्फोटेकले भविष्यमा नयाँ प्रविधि र नवप्रवर्तनमार्फत नेपालको आईटी क्षेत्रलाई अझ सशक्त र प्रतिस्पर्धी बनाउने लक्ष्यसहित सबै ग्राहक, साझेदार, टिम सदस्य र समर्थकहरूलाई हार्दिक धन्यवाद ज्ञापन गरेको छ।
