काठमाडाैं असार १०,
अमेरिकी राष्ट्रपति डोनाल्ड ट्रम्पले युद्धविराम घोषणा दाबी गरे पनि इरान-इजरायल युद्ध जारी छ । न्यूयोर्क टाइम्सको रिपोर्टअनुसार ट्रम्पको घोषणाको ३ घण्टापछि इजरायलले इरानमा नयाँ आक्रमण गरेको हो ।
यसअघि इरानका विदेशमन्त्री अब्बास अराघचीले पनि इरानी सैनिकहरूले बिहान ६ बजेसम्म लडाइँ जारी राखेको बताएका थिए ।
इजरायलको राजधानी तेल अभिभमा सरकारले जनतालाई आक्रमणको अलर्ट पठाएको छ र साइरन बजिरहेको बीबीसीले जनाएको छ ।
इजरायलले हिजो राति इरानको राजधानी तेहरानमा कडा आक्रमण गरेको थियो ।
इरानमा इन्टरनेट सेवा अझै पनि अवरुद्ध छ, जसले गर्दा स्थानीयहरूलाई चेतावनीबारे जानकारी पहुँच गर्न गाह्रो भइरहेको छ।
इजरायली सेनाका अनुसार इरानले इजरायलमा ब्यालिस्टिक मिसाइलले आक्रमण गरेको छ। हाल यस आक्रमणमा कुनै क्षति भएको कुनै जानकारी छैन। यद्यपि, फेरि एक पटक इजरायली सरकारले जनतालाई आक्रमणको चेतावनी पठाएको छ।
अमेरिकी राष्ट्रपति ट्रम्पले कतारमा रहेको अमेरिकाको अल उदेद बेसमाथि इरानको आक्रमणको केही समयपछि इरान र इजरायलबीच युद्धविराम सहमति भएको घोषणा गरेका थिए । तर, अहिलेसम्म दुवै देशले युद्धविरामको आधिकारिक घोषणा गरेका छैनन् ।
तस्वीर : सीएनएन
