माधव सापकोटा
जेठ २४, भरतपुर-
हरिकीर्तन धार्मिक संस्था / लक्ष्मीवेङ्कटेश मन्दिर , भरतपुर -४, हरिकीर्तनचोक , लङ्कु, चितवनको साधारण सभा तथा आठौँ अधिवेशन शनिवार सम्पन्न भएको छ।
मन्दिर सञ्चालक समितिका अध्यक्ष एवम् पीठाधीश स्वामी अनन्तप्रपन्नाचार्य “अखण्ड बाबा”को सभापतित्व, लक्ष्मीनारायण मन्दिर, देवघाटका पीठाधीश स्वामी श्रीधराचार्यको प्रमुख आतिथ्य , लक्ष्मीवैकुण्ठनाथ मन्दिरका पीठाधीश स्वामी जगन्नाथाचार्यको विशिष्ट आतिथ्यमा सम्पन्न साधारणसभामा मन्दिर संचालक समितिका सचिव काशीराम निउरेले सचिवको प्रतिवेदन ,कोषाध्यक्ष ताराप्रसाद कंडेलले लेखापरीक्षण प्रतिवेदन प्रस्तुत गर्नुभएको थियो।
सभाले विधान संशोधन उपसमितिका संयोजक हरिप्रपन्न शर्माले प्रस्तुत गर्नुभएको विधान संशोधन प्रस्तावलाई अनुमोदनसमेत गरेको छ।
भरतपुर-४ का वडाध्यक्ष अर्पण पोखरेल, वडा सदस्य राधादेवी शर्मा कंडेल, समाजसेवी भूपतिदास सापकोटा, हरिश्चन्द्र कंडेल, प्रेम गैरे लगायतले शुभकामना मन्तव्य व्यक्त गर्नुभएको थियो।
मन्दिर संचालक समितिका निवर्तमान सदस्य यमलाल कंडेलज्यूको स्वागत मन्तव्यका साथ सुरुवात भएको सो कार्यक्रमको संचालन सचिव काशीराम निउरेले गर्नुभएको थियो भने हरिदास सापकोटा संयोजक रहेको निर्वाचन-समितिले निर्वाचन सम्पन्न गराएको थियो।
अधिवेशनले स्वामी अनन्तप्रपन्नाचार्यको अध्यक्षतामा आगामी ३ वर्षका लागि १३ सदस्यीय मन्दिर-संचालक-समिति गठन गरेको छ। यस्तै उपाध्यक्षमा टीकाराम कंडेल, हरिश्चन्द्र कंडेल , अम्बिका कंडेल, सचिवमा काशीराम निउरे, सह- सचिवमा भक्तिप्रसाद चालिसे,कोषाध्यक्षमा ताराप्रसाद कंडेल, सदस्यहरूमा कृष्णहरि कंडेल, भानुभक्त कंडेल, गोविन्द कंडेल, कृष्ण कंडेल, जयप्रसाद सापकोटा, कमला कंडेल चयन हुनुभएको छ।
