भिडियोमा हेर्नुहोस्,

विद्यालयमा ४ देखि ९ सम्म पढाउने शिक्षिका एवम् १० कक्षामा आफ्नो छोरालाई सोही विद्यालयमा पढाएकी अभिभावक कृष्णकुमारी लम्सालले आफूले पनि आफ्नो छोरा पढाएबापत ९ हजार रुपैयाँ तिरेको बताइन् । र जति समय पढाउनुपर्ने हो त्यति पढाइ हुन नसकेको बताइन् । उनले विद्यालयमा ३ जना मिलेर रकम बाँडेर खाएको र अरु केही शिक्षक शिक्षिाकाले अहिलेसम्म पारिश्रमिक पनि बुझ्न नमानेको हल्ला विद्यालयभरि फैलिएको बताइन् ।

यस विषयमा हामीले विद्यालयका प्रधानाध्यापक रामजी अधिकारी, सहायक प्रधानाध्यापक डम्बर बहादुर शाही र कोचिङ् कक्षा संयोजक दिपेश रायसँग प्रतिक्रिया लिन खोज्दा कसैले पनि यस विषयमा बोल्न मानेन् । कोचिङ् संयोजक दिपेश रायले हिसाबको तथ्यांक माग्दा दिन मिल्दैन म दिँदिन तपाईं जे सुकै गर्नुस् भन्दै पन्छिए । प्रधानाध्यापक रामजी अधिकारीले आफूले यस कुरालाई केही दिनमा विद्यालयभित्रै मिलाउने प्रयास गरिरहेको बताउँदै यस कुरालाई बाहिर नल्याइदिन आग्रह गरे । तर उनले आर्थिक पारदर्शिता किन नदेखाएको भन्दा यी कुरामा मिडिया ल्याउन आवश्यक नरहेको भन्दै कुरै गर्न चाहेनन् ।

पूर्व प्रधानाध्यापक विष्णुप्रसाद सापकोटासहित ७ जनाले शिक्षक शिक्षिकाले आर्थिक पारदिर्शतामा माथि प्रश्न गर्ने, रकम बाँडेर खाएको आरोप लगाउने तर प्रधानाध्यापक, सहायक प्रधानाध्यापक र कोचिङ् संयोजकले कुनै प्रतिक्रिया नै दिन नखोज्नुले हिन्दी शब्द ‘दालमे कुछ काला हे’ भनेजस्तै हुन्छ अर्थात आर्थिक अपचलन भएको कुरालाई पुष्टि गर्ने आधार सृजना गर्दछ ।

यस विषयमा भरतपुर महानगरपालिका शैक्षिक प्रशासन महाशाखा प्रमुख सुवास आचार्यले भानु माविको आर्थिक विवादका विषयमा आफूले जानकारी पाएको बताए । उनले यस विषयमा लिखित उजुरी आइनसकेको बताए । लिखित उजुरी आएमा तत्काल छानबिन गर्ने बताउँदै उनले लिखित उजुरी नै नआए पनि विद्यालयसँग आर्थिक हिसाबकिताबको तथ्यांक माग्ने उनले बताएका छन् ।