चितवन बैशाख १२ –
भरतपुर महानगरपालिका-७ प्रेमबस्ती चोकमा बलेरोको ठक्करबाट स्कुटर चालकको मृत्यु भएको छ ।
आज दिउँसो करिव साढे १ बजेको समयमा गितानगरबाट भरतपुरतर्फ आउँदै रहेको ना५च २६४४ नम्बरको बलेरोले सोही दिशाबाट आउँदै गरेको ना५४प १७९५ नम्बरको स्कुटरलाई ठक्कर दिएको थियो ।
बलेरोको ठक्करबाट स्कुटर चालक भरतपुर-६ ईन्द्रपुरी बस्ने वर्ष ५२ की लक्ष्मी वाग्लेको घटनास्थलमै मृत्यु भएको हो ।
बलेरो चालक मकवानपुर मनहरी गाउँपालिका-६ बस्ने वर्ष २५ को पेमा लामालाई नियन्त्रणमा लिइएको जिल्ला प्रहरी कार्यालय चितवनले जानकारी दिएको छ ।
