भरतपुर चैत ३१
सिल्भर माउण्टेन स्कुल अफ होटल म्यानेज्न्ट काठमाण्डौले भरतपुर महानगरपालिका वडा नं. २६ मा रहेको आधारभुत विद्यालय (१-८) कोइलाहाका विद्यार्थी र विद्यालयलाई सहयोग गरेको छ । बिधालय शिक्षक अभिभावक संघका अध्यक्ष जनकलाल चौधरीको सभापतित्वमा संचालित उक्त कार्यक्रममा प्रमुख अतिथि भरतपुर महानगरपालिका वडा नं. २६ का वडा अध्यक्ष ज्ञान प्रसाद खनाल रहनु भएको थियो । बिशिस्ट अतिथिहरु सिल्भर माउण्टेन स्कुल अफ होटल म्यानेज्मेण्ट काठमाण्डौका सस्थापक तथा शैक्षिक निर्देशक रचना थापा ,सस्थापक तथा ब्यवस्थापन निर्देशक आभा शाह र जनरल ब्यवस्थापक सुनिल खनाल रहनुभयको थियो ।
सिल्भर माउण्टेन स्कुल अफ होटल म्यानेज्मेन्टका ११० जना विए.आइ. एच. टी. एम/वि. ए. आइ. सि. ए. बर्ष २०२१ का विद्यार्थीहरुको सक्रियतामा आठ लाख बराबरको शैक्षिक सामाग्री ल्यापटप, प्रिन्टर, प्रोजेक्टर, पंङ्खा, खेल सामाग्री, झोला, कापी, कलम, सरसफाइ सामाग्री, स्वास्थ सामग्री बिधालयका सम्पुर्ण विद्यार्थी, हरेक कक्षाकोठा र विद्यालयलाई आवश्यक सामग्री प्रत्यक्ष हस्तान्तरण गरिएको थियो ।
औपचारिक कार्यक्रमको अगाडि र पछाडी दुबै शैक्षिक सस्थाका बिद्यार्थीहरु एक आपसमा भालाकुसारी गर्दै खेलिरहेको रमाइलो दृष्य अति मनमोहक देखिन्थ्यो । सोही समयमा सहयोगि सस्थाका बिद्यार्थीलेहरुले आ. बि. कोइलाहाका विद्यार्थी र शिक्षकहरुलाई हस्तान्तरित सामग्री विवरण र सो सामग्री को प्रयोग बारे जानकारी सम्मेत गराएका थिए।
विद्यालयका सहायक प्रधानाध्यापक इश्वरी पराजुलीले सञ्चालन गर्नु भएको कार्यक्रममा सहयोगी संस्थाको तर्फबाट सस्थाका प्रमुख तथा संस्थापक प्रिन्सिपल समिर थापाले मन्तव्य सगै कार्यक्रम बारे जानकारी गराउदै यस कार्यक्रम को उपयुक्त र भरपुर रुपमा उपयोग गर्नुहुन अनुरोध गर्दै भाबी दिनमा पनि आवश्यक सहयोग र समन्वय निरन्तर रहने जानकारी गराउनु भयको थियो। साथै ,विद्यालयको तर्फबाट प्रधानाध्यापक रामभक्त वाग्लेले धन्यवाद सहित मन्तब्य राख्नुभएको थियो । यस प्रकारको सहयोग कार्यक्रमबाट विद्यार्थी अभिभावक तथा शिक्षकहरु अत्यन्तै खुशी हुदै धन्यबाद समेत दिएका छन् ।
