चितवन, चैत्र ११ –
राष्ट्रिय युवा संघ नेपाल भरतपुर १ को अध्यक्षमा सुमित थापा चयन भएका छन् ।
आज सम्पन्न संघको वडा अधिवेशनले थापाको नेतृत्वमा २१ सदस्यीय वडा कमिटी चयन गरेको हो ।
कमिटीको उपाध्यक्षमा राजा भण्डारी, सचिवमा रंजन चौधरी, कोषाध्यक्षमा बन्दना न्यौपाने बरुवा, सहसचिवमा मन्दिरा न्यौपाने चयन भएका छन् ।
युवा संघका चितवन जिल्ला उपाध्यक्ष सन्तोष श्रेष्ठले सर्वसम्मतबाट वडा कमिटी घोषणा गरेका हुन् ।
अधिवेशनमा नेकपा एमाले चितवनका सचिव प्रकाश ढुंगाना, पार्टी जिल्ला कमिटी सदस्यहरु सन्देश श्रेष्ठ, कृष्ण केसी, संघका प्रदेश कमिटी सदस्य एवम् भरतपुर महानगर इन्चार्ज कृष्ण अधिकारी, संघका प्रदेश कमिटी सदस्य केशव खड्का लगायतको उपस्थिति रहेको थियो ।
