भरतपुर, चैत ०६-
ग्लोबल मनि वीक अर्थात बिश्व पुजिँ सप्ताह अन्र्तगत “थिंक बिफोर यू फलो वाइज मनी टुमारो” भन्ने नारा सहित बित्तीय क्षेत्र संग सम्बन्धीत कार्यक्रम भरतपुरमा हुने भएको छ । दुई दिन सम्म सञ्चालन हुने कार्यक्रममा नेपाल धितोपत्र बोर्ड र धितोपत्र बजार मध्यस्थकर्ताहरूको संयोजनमा अन्तरकलेज पूँजी बजार हाजिरीजवाफ प्रतियोगिता सञ्चालन हुनेछ । कार्यक्रम यहीँ चैत्र ८ र ९ गते आयोजना गरिएको छ ।
नारायणगढको दियालो फुडल्याण्डमा हुने हाजिरीजवाफ प्रतियोगितामा ७ प्रदेशका उत्कृष्ट ३५ कलेजहरुले सहभागिता जनाउनेछन् । प्रतियोगितामा प्रथम हुने समूहले ५० हजार सहित ट्रफी र क्रमश.द्वितिय र तृतिय हुने समूले ३० हजार र २० हजार र प्रमाणपत्र पाउनेछन् । अन्य सहभागी समूहले सहभागिताको प्रमाणपत्र पाउने आयोजकले जानकारी दिएको छ । कार्यक्रमका अर्थतन्त्र र पुँजिबजार संग सम्बन्धीत रहेर बिद्यार्थीहरुले जानकारी समेत प्राप्त गर्नेछन् ।
बिश्वबिद्यालयका र सहभागी बित्तिय संस्थाका बिषिष्ट पदाधिकारीहरुले बिद्यार्थीहरुलाई अर्थतन्त्र र बित्त संग सम्बन्धीत जानकारी एवं प्रशिक्षण गराईने कार्यक्रमका संयोजक संजिब घिमिरेले जानकारी दिनुभयो ।
कार्यक्रममा पुर्वाञ्चल बिश्वबिद्यालयका उपकुलपती प्रोफेसर डा.बिजु कुमार थपलिया , मधेश बिश्वबिद्यालयका उपकुलपती प्रोफेसर डा.दिपक शाक्य , त्रिभुवन बिश्वबिद्यालयका डिन प्रोफेसर डा. महानन्द चालिसे , र पोखरा बिश्वबिद्यालयका रजिष्ट्रार प्रोफेसर डा.दिपक बहादुर भण्डारी अतिथिको रुपमा रहने आयोजकले जनाएको छ ।
ग्लोबल मनी विकअन्तर्गत बैंकिङ, बीमा, धितोपत्र बजार तथा सहकारी सेवाबारे जनचेतना अभिवृद्धि गर्ने उद्देश्यले विद्यार्थीमाझ अन्तरक्रिया, वित्तीय साक्षरतासम्बन्धी हाजिरीजवाफ प्रतियोगिता, श्रव्यदृश्य सामग्री प्रसारण, अन्तर्वार्ता तथा वित्तीय सेवाप्रदायक संस्थाका अवलोकन कार्यक्रम आयोजना गरिएको छ ।
सन् २०१२ देखि हरेक वर्षको मार्च महिनामा मनाउन सुरू गरिएको यो सप्ताह अर्गनाईजेसन अफ इकोनमिक कोअपरेशन एण्ड डेभलपमेन्ट Organisation of Economic Cooperation and Development (OECD) (ओईसिडी) को संयोजनमा विश्वका धेरै मुलुकमा मनाउने गरिएको छ । “थिंक बिफोर यू फलो वाइज मनी टुमारो” भन्ने नारा सहित युवालाई वित्तीय ज्ञान, सीप र मनोवृत्तिका साथै व्यावहारिक रुपमा सक्षम बनाउँदै विवेकशील वित्तीय निर्णय गर्न अभिप्रेरित गर्दै आर्थिक सम्वृद्धिमा सघाउ पु¥याउने उद्देश्यमा यो सप्ताह केन्द्रित रहँदै आएको छ । हरेक बर्ष मार्च १७ देखी २३ सम्म यो बिश्वभर मनाउदै आईएका कार्यक्रम अहिले १३ संस्करणको रुपमा रहेको छ ।
