चितवन, फागुन ८ –
राष्ट्रिय युवा संघ नेपाल जिल्ला कमिटी चितवनको चौथो पूर्ण बैठक सम्पन्न भएको छ ।
बैठकले चितवनका सबै पालिकाहरुमा संघको नगर अधिवेशन चैत १५ भित्र सम्पन्न गर्ने निर्णय गरेको छ भने २८ सदस्यीय जिल्ला सचिवालय गठन गरेको छ । त्यसैगरी बैठकबाट नेकपा एमालेको ३ महिने जरा केन्द्रित अभियान र तेस्रो संस्करणको केपी ओली कपका सम्बन्धमा केही निर्णयहरु गरिएको संघले जनाएको छ ।
जिल्ला कमिटीका अध्यक्ष झलक राज भट्टको अध्यक्षतामा बसेको बैठकमा राष्ट्रिय युवा संघ नेपाल बागमती प्रदेश कमिटी अध्यक्ष राजु तिवारीको प्रमुख उपस्थिति रहेको थियो । जिल्ला कमिटीका सचिव उत्तम सेढाईले सञ्चालन गरेको बैठकमा उपाध्यक्ष मधुपर्क श्रेष्ठ सन्तोषले स्वागत मन्तव्य राखेका थिए ।
बैठकमा नेकपा एमाले बागमती प्रदेश कमिटीका उपाध्यक्ष एवम् बागमती प्रदेश जनसंगठन समन्वय प्रमुख दावा दोर्जे लामा, युवा संघ जिल्ला इन्चार्ज शंकर अधिकारी लगायत संघका केन्द्रीय सदस्यहरु, बागमती प्रदेश युथ फोर्स प्रमुख कुमार थापा मगर लगायत प्रदेश कमिटी सदस्यहरु, पार्टी जिल्ला सचिवालय सदस्यहरु प्रकाश आचार्य र प्रकाश भट्ट लगायतको उपस्थिति रहेको थियो ।
