चितवन, माघ २५ –
प्यारा बटालियन कमाण्डो फोर्स (अ.प्रा.) नेपाली सेना चितवन नवलपुरद्वारा आयोजित चौंथो वार्षिक पुर्नमिलन कार्यक्रम २०८१ सम्पन्न भएको छ ।
अवकास प्राप्त सहयाक रथी डा. प्रेमसिंह बस्न्यातको प्रमुख उपस्थितिमा अवकास प्राप्त प्यारा बटालियन अन्तर्गतका सैनिकहरुको जमघट र पुर्नमिलन कार्यक्रम गरिएको हो । नवलपुरको गैंडाकोटस्थिति नारायणी नदी किनारमा अवस्थित होटल रिभर क्राउनमा कार्यक्रम सम्पन्न गरिएको हो ।
कार्यक्रममा अवकास प्राप्त सहयाक रथी डा. प्रेमसिंह बस्न्यातले नेपाली सेनाहरु कम तलबमा पनि काम गरिरहेको बताए । उनले अन्य देशको तुलनामा नेपाली सेनाको तलब निकै न्यून रहेकाले यसलाई बढाउनतर्फ सरकारले ध्यान दिनुपर्ने बताए । अवकास प्राप्त सेनाहरुको पुर्नमिलन कार्यक्रम गर्नु निकै राम्रो भएको बताउँदै उनले यस्ता संस्थाहरु जंगे अड्डाका भगिनी संस्था जसरी रहेको बताए ।
विशेष फौज मानिने अड्डा अन्तर्गतका लक्ष्मी निवास हाताभित्र रहेका श्री भैरवनाथ गण, युद्दभैरव गण र प्यारा तालिम शिक्षालयका भुपू तथा बहालवाला सैनिहरुको उपस्थिति कार्यक्रममा रहेको थियो ।
कार्यक्रममा अवकास प्राप्त सह सेनानी लाल बहादुर बस्नेतलाई ज्येष्ठ व्यक्तिको रुपमा सम्मान गरिएको थियो । कार्यक्रममा अवकास प्राप्त बिरामी रहेका सैनिकहरुलाई कार्यक्रममा आर्थिक सहयोग समेत गरिएको अध्यक्ष चन्द्र प्रकाश पौडेलले जानकारी दिए ।
प्यारा बटालियन कमाण्डो फोर्स (अ.प्रा.) नेपाली सेना चितवन नवलपुरका सचिव चन्द्र बहादुर विश्वकर्माले सञ्चालन गरेको कार्यक्रममा उपाध्यक्ष लेखनाथ लामिछानले स्वागत मन्तव्य राखेका थिए ।
