चितवन, माघ १५ –
वीरेन्द्र बहुमुखी क्याम्पस भरतपुरमा अनेरास्ववियु क्याम्पस कमिटीद्वारा आयोजित हाजिरी जवाफ प्रतियोगितामा अर्किड कलेज प्रथम बनेको छ ।
एमाले निकट अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) क्याम्पस कमिटीको आयोजनामा आज मंगलबार क्याम्पसको नौ विगाह परिसरमा प्रतियोगिता सम्पन्न भएको हो ।
प्रतियोगितामा नारायणी पब्लिक कलेज दोश्रो र वाल्मिकी शिक्षा सदन तेश्रो बने । अर्किडबाट किन्जल खरेल, स्वीकार पौडेल र मान बहादुर तामाङ, नारायणी पब्लिकबाट विशाल मगराती, रिग्देश अर्याल र एलिजा सिग्देल, वाल्मिकीबाट नारायण सापकोटा, अपिल खरेल र सोनिक्स खरेलले प्रतियोगितामा सहभागिता जनाएका थिए ।
प्रतियोगितामा प्रथम, द्दित्तिय र तृतिय हुनेलाई क्रमशः ८ हजार, ५ हजार र २ हजार रुपैयाँसहित ट्रफी, मेडल र प्रमाणपत्र प्रदान गरिएको थियो । हाजिरी जवाफमा सहभागी सबैलाई प्रमाणपत्र प्रदान गरिएको थियो ।
१२ वटा टिम सहभागी रहेको छनौट प्रक्रियामार्फत छनौट गरी ८ टिमबीच प्रतिस्पर्धा गराइएको थियो । दर्ता शुल्क १ हजार रुपैयाँ राखिएको थियो ।
हाजिरी जवाफ प्रतियोगिताको उद्घाटनमा अनेरास्ववियुका केन्द्रीय सचिव डा. सुजन कडरिया, क्याम्पस प्रमुख स. प्रा.डा. प्रेम सागर भण्डारी, नेकपा एमाले चितवनका अध्यक्ष कमलराज पाठक, नेकपा एमाले बागमती प्रदेश कमिटी सदस्य अस्मिन घिमिरे, एमाले चितवनका सदस्य देव पाठक, नेकपा एमाले चितवनका विद्यार्थी मोर्चा फाँट प्रमुख अनोज जोशी, अनरास्ववियु चितवनका केन्द्रीय सदस्य एवम् चितवन जिल्ला इन्चार्ज अमित कुमार गुप्ता, अनेरास्ववियु बामगतमी प्रदेशका सचिव प्रकाश कालाखेती, अनेरास्ववियुका अनुशासन आयोग सदस्य आकाश गिरी, अनेरास्ववियु चितवनका अध्यक्ष हरि आचार्य, अनेरास्ववियु चितवनका सचिव अमित आचार्यसहित चितवनबाट प्रतिनिधित्व गर्ने अनेरास्ववियुका केन्द्र, प्रदेश एवम् जिल्ला तथा भरतपुर महानगरस्तरीय नेताहरु, क्याम्पसका प्राध्यापक एवम् विद्यार्थीहरुको उपस्थिति रहेको थियो ।
