कुरिनटार, माघ ११ –
चितवनको इच्छाकामना गाउँपालिकाको शिक्षा शाखामा नेपाली काँग्रेस निकट शिक्षकहरुको संस्था नेपाल शिक्षक संघले लगाएको तालाबन्दी प्रति नेपाल राष्ट्रिय शिक्षक संगठन इच्छाकामनाले आपत्ति प्रकट गरेको छ ।
बिहिबार बिहानै एक प्रेसविज्ञप्ती जारी गर्दै उक्त घटना प्रति आफ्नो संगठनको ध्यानाकर्षण भएको जानकारी गराउदै संगठनले आपत्ति प्रकट गरेको हो ।
संगठनका अध्यक्ष सुजन सापकोटा, उपाध्यक्ष देव बहादुर गुरुङ र टप कुमारी श्रेष्ठ तथा सचिव राजु त्रिपाठीद्वारा हस्ताक्षरित विज्ञप्तिमा नियमसंगत भए गरेको कार्यलाई अराजक शैलीमा विषयलाई अतिरंजित गरि सेवा प्रवाहमा अवरोध पुर्याई शिक्षामा राजनिति गर्ने प्रयास भएकोमा संगठनको ध्यानाकर्षण भएको जनाईएको छ ।
