चितवन, माघ ३ –
भरतपुर–२६ स्थित रातापुर आधारभुत विद्यालयले ६६ औं वार्षिकोत्सव तथा अभिभावक दिवस मनाएको छ ।
विद्यालय व्यवस्थापन समितिका अध्यक्ष घनश्याम ढकालको अध्यक्षतामा भएको कार्यक्रमको प्रमुख अतिथि भरतपुर महानगरपालिका २६ का वडाध्यक्ष ज्ञानप्रसाद खनाल रहेका थिए ।
२०१४ सालमा स्थापना भएको यस विद्यालयका संस्थापक प्रधानाध्यापक तिर्थराज मरहठ्ठा र संस्थापक स्वर्गीय बिकना चौधरीका छोरा चन्द्रसिंह चौधरीको उपस्थितिले यस वर्षको वार्षिक उत्सव एतिहासिक, भव्य र स्मरणीय भएको साथै अभिभावकहरुको गरीमामय उपस्थितिले थप हौसलारउर्जा मिलेको विद्यार्थी व्यवस्थापन समितिका अध्यक्षले बताए । कार्यक्रममा शिक्षक शिक्षिकाहरुको पनि नृत्य प्रस्तुत गरेका थिए ।
प्रधानाध्यापक देवेन्द्र शाली घिमिरेले प्रतिवेदन प्रस्तुत गरेका थिए । त्यस्तै, शिक्षक नारायणप्रसाद दवाडीले स्वागत मन्तव्य र शिक्षिका लक्ष्मी सापकोटा चापागाईंले कार्यक्रम संचालन गरेकी थिइन् ।
