काठमाण्डौं, पुस १९ –
कफी र ग्रीन टीको सेवन मुटुको स्वास्थ्यका लागि निकै फाइदाजनक मानिन्छ । यद्यपि, धेरैजसो मानिसहरु ग्रिन टी तथा कफीमध्ये कुन सेवन गर्दा स्वास्थ्यका लागि बढी फाइदाजनक हुन्छ ? यो विषयमा अन्योलमा रहेको पाइन्छ ।
केही समय अघि जेएसिसि (जापान कोलाबोरेटिभ कोहोर्ट स्टडी फर इभ्यालुसन अफ क्यान्सर रिस्क) को अध्ययनको रिपोर्ट अमेरिकन हार्ट एसोसिएसनको जर्नलमा प्रकाशित भएको थियो । उक्त अध्ययनमा १८ हजार मानिसले सहभागिता जनाएका थिए । १२ वर्षसम्म चलेको उक्त अध्ययनमार्फत अनुसन्धानकर्ताहरूले कफी तथा ग्रीन टी स्वास्थ्यका लागि बढी फाइदाजनक छ कि भनेर पत्ता लगाउने प्रयास गरेका थिए ।
उक्त अध्ययनमा शोधकर्ताहरूले के पत्ता लगाए भने कफीमा करिब ९५ देखि २०० मिलीग्राम क्याफिन पाइन्छ। उही अवस्थामा ग्रीन टीमा क्याफिनको मात्रा ३५ मिलीग्राम हुन्छ । यसको मतलब कफीमा ग्रिन टीको तुलनामा करिब तीन गुणा बढी क्याफिन हुन्छ।
अत्यधिक क्याफिनका कारण उच्च रक्तचापको समस्या भएकाहरूका लागि कफीको सेवन हानिकारक हुन सक्छ । जबकि ग्रीन टी मुटुको स्वास्थ्यका लागि राम्रो हुन्छ । उक्त अध्ययनका अनुसार ग्रीन टीमा पाइने पोलिफेनोल नामक तत्वले क्याफिनको हानिकारक प्रभावलाई हटाएर स्वास्थ्यका लागि बढी फाइदाजनक बनाउँछ ।
ग्रीन टी र कफी दुबैका फाइदाहरू
मुटुका लागि फाइदाजनक हुनुका साथै ग्रीन टीमा अन्य धेरै स्वास्थ्य लाभहरू छन् । यो दैनिक पिउनाले तपाईँको रोग प्रतिरोधात्मक क्षमता बढ्छ । मस्तिष्क विकासमा सहयोगी साबित हुनेछ । यसको सेवनले मधुमेहलाई पनि नियन्त्रणमा राख्न सकिन्छ ।
यसका साथै कफीका धेरै फाइदा पनि छन् । कफीले ऊर्जाको स्तर बढाउन मद्दत गर्छ। मस्तिष्कको कार्य सुधार गर्दछ । यो मुटुका लागि पनि फाइदाजनक हुन्छ, तर उच्च रक्तचाप भएमा यसलाई पिउनु हुँदैन । – एजेन्सी
