काठमाडौं, मंसिर २३ –
हसन इसाखिलको अर्धशतक मदतमा चितवन राइनोजले नेपाल प्रिमियर लिग एनपीएलमा सुदूरपश्चिम रोएल्सलाई १६५ रनको लक्ष्य दिएको छ ।
कीर्तिपुरस्थित टीयू क्रिकेट मानमा टस जितेर पहिले ब्याटिङ गरेको चितवनले निर्धारित २० ओभरमा ५ विकेट गुमाएर १६४ रन बनाएको हो ।
चितवनका लागि ओपनर हसनले ५२ बल खेल्दै ६ चौका र ३ छक्का मदतमा ६५ रन बनाए । यस्तै रवि बोपाराले १८ बल खेल्दै समान २ चौकमा र छक्कामा ३६ रन योगदान गरे ।
विपिन रावलले १७ र कप्तान कुशल मल्लले १३ रन जोडे । पहिलो पटक ओपनिङ गरेकार सन्तोष कार्की ९ रनमा आउट भए ।
अमर सिंह राउटेले ६ र जान निकोल लफ्टी इटन २ रनमा अविजित रहे ।
बलिङमा सुदूरपश्चिमका स्कट कुगेलेइनले ४ ओभरमा २९ रन खर्चेर २ विकेट लिए । ब्राण्डन म्याकमुलेन, कप्तान दीपेन्द्र सिंह ऐरी र सैफ अली जैबले एक/एक विकेट लिए ।
तपाईको प्रतिक्रिय
सम्बन्धित समाचार
