चितवन, मंसिर ९
चितवनको माडीमा भोलीबाट महिला त्रिकोणीय टि-२० सिरिज हुने भएको छ ।
चितवन जिल्ला क्रिकेट संघको आयोजनामा माडी नगरपालिका ३ मा रहेको बरुवा खेल मैदानमा त्रिकोणीय टि-२० सिरिज हुने भएको हो ।
मैयादेवी ट्रष्टको सहयोगमा हुने त्रिकोणीय टि(२०सिरिज दुई दिनसम्म सञ्चालन हुने क्रिकेट संघका अध्यक्ष सुदिप पियाले बताए ।
उक्त त्रिकोणीय टि-२० सिरिजमा चितवन, नवलपुर र नवलपरासी गरी तीन जिल्ला सहभागी हुने भएको छ ।
भोलि बिहानको खेलमा नवलपुर र नवलपरासी, दिउँसोको खेलमा चितवन र नवलपुर एक आपसमा भिड्ने छन् । मंगलबार बिहान चितवन र नवलपरासीबीच प्रतिस्पर्धा हुने उनले बताए । यस्तै दिउँसो भने फाइनल खेल हुने छ ।
कार्यक्रममा मैयादेवी ट्रष्टका सचिव टंकनाथ पौडेलले शिक्षा, स्वास्थ्य, खेल्कुद लगायतको क्षेत्रमा सहयोग गर्दै आएको र आगामी दिनमा पनि सहयोग गर्ने बताए । यस्तै कार्यक्रममा ट्रफि अनावरण सँगै मैयादेवी ट्रष्टले राप्ती क्रिकेट एकेडेमीका महिला खेलाडीहरुलाई खेलकुद किट समेत प्रदान गरेको थियो ।
