चितवन, मंसिर ५
लोकतान्त्रिक विद्यार्थी संघ चितवन जिल्लाको आयोजनामा शुक्रबार वीरेन्द्र बहुमुखी क्याम्पसमा शैक्षिक बहस कार्यक्रम हुने भएको छ ।
“ नेपालको शिक्षामा समस्या सम्भावना : रुपान्तरण ,अभ्यास ,अनुसन्धान र आधुनिक निकास” शीर्षकमा बहस कार्यक्रम हुन लागेको लोकतान्त्रिक विद्यार्थी संघ चितवन जिल्लाका केन्द्रिय सचिव रामप्रसाद ढकालले बताए । कार्यक्रम विहान ७ बजेबाट १० बजे सम्म हुने उनले बताए ।
कार्यक्रममा प्रमुख अतिथि भरतपुर महानगरपालिकाका उपमेयर चित्रसेन अधिकारी, विशिष्ट अतिथिमा भरतपुर महानगरपालिकाका प्रमुख प्रशासकीय अधिकृत लक्ष्मी प्रसाद पौडेल र लोकतान्त्रिक समाजवादी पार्टी नेपालका महासचिव डा.सुरेन्द्र झा रहेका छन् ।
त्यस्तै, शैक्षिक प्रशासन प्रमुख, रत्ननगर नगरपालिका, कालिका नगरपालिका, खैरहनी नगरपालिका र राप्ती नगरपालिकाका नगर शिक्षा अधिकारीहरु, संस्थागत विद्यालय, सामुदायिक विद्यालय र पब्लिक क्याम्पसका मुख्य व्यक्ति सहितका शिक्षकहरूको उक्त कार्यक्रममा उपस्थिति रहने छ ।
