चितवन, २४ कात्तिक
चितवनमा गैंडाको आक्रमणबाट एकजना घाइते भएका छन् । घाइते हुनेमा भरतपुर २७ मेघौली बस्ने २८ वर्षीय जग वहादुर माझि रहेका छन् ।
माझि आज बिहान भरतपुर २७ स्थित मेघौली सदावहार मध्यवर्ती समुदायिक जंगलमा २ जना विदेशी नागरिक घुमाउन निस्किएका थिए । सोहि क्रममा उनलाई गैंडाले आक्रमण गरेको हो।
माझीको पेटमा चोट लागी मध्यम घाईते भइ भरतपुर हस्पिटलमा उपचार भइरहेको छ । उनिसंगै गएका २ जना विदेशी नागरिक भने सकुशल रहेको प्रहरीले जनाएको छ।
