चितवन,कात्तिक २३-
चितवनमा बोलेरोले साइकललाई ठक्कर दिँदा साइकल यात्रीको मृत्यु भएको छ। मृत्यु हुनेमा पर्सा सखुवापर्सौनी गाउँपालिका ४ घर भई हाल गैंडाकोट नगरपालिका ५ मा डेरा गरि बस्दै आएका १७ वर्षिय इशान अन्सारी रहेका छन् ।
भरतपुर महानगरपालिका वडा नम्बर ५ स्थित नयन चोकमा आज मध्यान्न १२ बजे ना ४ च ६९५१ नम्बरको बलेरोले साइकललाई ठक्कर दिंदा साइकल चालकको मृत्यु भएको हो ।
बलेरोको ठक्करबाट गम्भीर घाइते भएका अन्सारीको भरतपुर अस्पतालमा उपचारको क्रममा मृत्यु भएको जिल्ला प्रहरी कार्यालय चितवनका प्रवक्ता भेषराज रिजालले बताउनुभयो। ठक्कर दिने बलेरो र चालक प्रहरी नियन्त्रणमा रहेका छन्।
