काठमाडौं, कात्तिक २१-
डोनाल्ड ट्रम्प अमेरिकाको ४७औँ राष्ट्रपति निर्वाचित भएका छन् । दोस्रो विश्वयुद्धपछि ट्रम्प चार वर्षको अन्तरालपछि पुनः विजयी हुने पहिलो राष्ट्रपति बनेका छन् ।
एपीका अनुसार, जारी मतगणनामा ट्रम्पको रिपब्लिकन पार्टीले २७७ इलेक्टोरल भोट पाइसकेको छ । बहुमतका लागि २७० इलेक्टोरल भोट भए पुग्छ । कमला ह्यारिसको पार्टीले २२४ इलेक्टोरल भोट पाएको छ ।
ट्रम्प यसअघि पनि अमेरिकाको राष्ट्रपति भइसकेका व्यक्ति हुन् । उनी जनवरी २०, २०१७ देखि जनवरी २०, २०२१ सम्म अमेरिकाको ४५औँ राष्ट्रपति रहेका थिए । त्यतिबेला उनले डेमोक्रेटिक पार्टीकी उमेदवार हिलारी क्लिन्टनलाई पराजित गरेका थिए ।
अब ट्रम्पले ४७औँ राष्ट्रपतिको जिमेवारी सन् २०२५ जनवरी २० बाट सम्हाल्ने छन् ।