चितवन, कात्तिक २१-
भरतपुर महानगरपालिका–१० मालपोत चोक नजिकै भ्यान गाडीको ठक्करबाट स्कुटरमा सवार तीन जना घाइते भएका छन् ।
घाइते हुनेहरुमा स्कुटर चालक रत्ननगर नगरपालिका–१६ बस्ने वर्ष ३२ की गीता दाहाल, स्कुटर पछाडि सवार ६० वर्षीय टिका कुमारी न्यौपाने र ८ वर्षीय ग्रिस्मा न्यौपाने रहेका छन् । गम्भिर घाइते टिकाको चितवन मेडिकल कलेजमा र अन्य दुई जनाको पुरानो मेडिकल कलेजमा उपचार भइरहेको छ । दुई जनाको अवस्था सामान्य रहेको छ ।
मंगलवार दिउँसो साढे १ बजेको समयमा बागमती प्रदेश०१–०२५ च २१०५ नम्बरको भ्यान गाडीले बागमती प्रदेश०६–००२प १३११ नम्बरको स्कुटरलाई ठक्कर दिँदा स्कुटर चालक र स्कुटर पछाडि सवार दुई जना घाइते भएको जिल्ला प्रहरी कार्यालय चितवनले जानकारी दिएको छ ।
दुर्घटनामा संलग्न दुवै सवारी साधन र भ्यानका चालक उदयपुर चौदण्डि नगरपालिका–१० घर भई हाल भरतपुर–३ बस्ने बर्ष ३२ को शुसिल खत्रीलाई प्रहरीले नियन्त्रणमा लिएको छ ।
