काठमाडौं भदौ,३०
अमेरिकाबाट काठमाडौं आउँदा त्रिभुवन अन्तर्राष्ट्रिय विमानस्थलबाटै बेपत्ता भएका एक व्यक्ति भेटिएका छन् ।
विमानस्थलबाटै वेपत्ता भएका पर्वतको पैंयू गाउँपालिका–१ घर भएका ७६ वर्षीय दण्डपाणि भुसाल भेटिएका हुन् ।
उनी एकान्तकुनामा भेटिएको भुसालका ज्वाईं मधु वस्तीले अनलाइनखबरलाई बताए ।
एक पठाओ चालकलाई भुसालले छोरीको घर जानु पर्ने बताएका थिए । ती पठाओ चालकले सोधखोज गर्ने क्रममा आफू शनिबार रातिदेखि हराएको बताएका थिए । भुसालकै मोबाइलमा छोरीको नम्बर भेटिएपछि पठाओ चालकले नै सम्पर्क गरेर खबर गरेको वस्तीले बताए ।
शनिबार राति १०स्२५ बजेदेखि एअरपोर्टबाट बेपत्ता भएका भुसाल त्यसरात भने एअरपोर्ट बाहिर नै बसेको परिवारलाई बताएका छन् । भुसाल हराएको भन्दै आफन्तले प्रहरी वृत्त गौशालामा जाहेरी समेत दिएका थिए ।
तपाईको प्रतिक्रिय
सम्बन्धित समाचार
