चितवन, भदौ २४-
पूर्वी चितवनको रत्ननगर नगरपालिका–३ शान्ति चोकमा गएराति २ः१० बजे कन्टेनर र मोटरसाइकल आपसमा ठोक्किँदा मोटरसाइकल चालकको मृत्यु भएको छ । मृत्यु हुनेमा मोटरसाइकल चालक रत्ननगर–१५ बस्ने वर्ष ३४ को जीवन मग्राती रहेका छन्।
वीरगञ्जबाट कुखुराको दाना लोडगरी भरतपुरतर्फ आई रहेको ना ८ ख २८१८ नम्बरको कन्टेनर र विपरित दिशाबाट गई रहेको बागमती प्रदेश ०६–००३ प ४८५१ नम्बरको मोटरसाइकल एक आपसमा ठोक्किँएका हुन्।
दुर्घटनाबाट गम्भीर घाइते भएका मग्रातीको बकुलहर टाँडी अस्पतालमा उपचारको क्रममा गएराति २ः४२ बजे मृत्यु भएको जिल्ला प्रहरी कार्यालय चितवनले जानकारी दिएको छ ।
प्रहरीले कन्टेनर र कन्टेनर चालक बारा गडीमाई नगरपालिका–५ बस्ने वर्ष ३६ को श्याम सुन्दर सहनीलाई नियन्त्रणमा लिएको छ ।
