चितवन, २ भदौ
चितवन लियो क्लब अफ भरतपुर युथद्वारा भरतपुर १६ स्थित आधारभुत विद्यालय मोहनपुरमा अध्यानरत विद्यार्थीहरुको प्रथम त्रैमासिक परिक्षामा प्रथम , दृतिय र तृतीय हुने विद्यार्थीहरुलाई पुरस्कार वितरण गर्ने कार्यक्रम गरेको । कक्षा नर्सरी देखी कक्षा ८ सम्मका विद्यार्थीहरुमध्य परिक्षामा प्रथम, दृतिय र तृतीय हुने विद्यार्थीहरुलाई पुरस्कार वितरण गरिएको हो ।
कार्यक्रममा लियो क्लब भरतपुर युथका अध्यक्ष हवन ढकालको सभापतित्व रहेको थियो भने लियो जिल्ला परिषद् ३२५ आर नेपालका सह कोषाध्यक्ष गौरव उपाध्यायको प्रमुख अतिथि रहेको थियो ।
कार्यक्रममा श्री आधारभूत विद्यालय मोहनपुरका प्रधानाध्यापक कुमार लौडारी एवं सह प्रधानाध्यापक तारा पौडेलको विशिष्ट आतिथ्यता रहेको थियो । कार्यक्रममा बोल्दै विद्यालयका प्रधानाध्यापक कुमार लौडारीले आभार व्यक्त गर्दै यस्ता किसिमका कार्यक्रमहरुद्वारा विगतका दिनहरुमा पनि भइरहेको र आउँदाका दिनहरुमा पनि भइरहने आशा व्यक्त गरेका थिए ।
कार्यक्रमका प्रमुख अतिथि उपाध्यायले पुरस्कार वितरण कार्यक्रमलाई लियो क्लब भरतपुर युथको सिग्नेचर प्रोजेक्टको रुपमा अगाडि बढाउने भनी उक्त विद्यालयको सेवामा सदैव तत्पर रहेको भन्दै मन्तव्य राख्नुभएको थियो। अन्त्यमा कार्यक्रमका सभापति हवन ढकालले पुरस्कार वितरण जस्तो कार्यक्रमले विद्यार्थीहरूको पठनपाठन प्रक्रियामा थप ऊर्जा थप्ने कार्य गर्ने विश्वासको हेतुको साथ उक्त कार्यक्रम आयोजना गरिएको र यस्ता किसिमका कार्यक्रमहरु आगामी दिनहरुमा पनि गर्ने बताए।
