आज बसेको केन्द्रिय समितिको बैठकले पार्टी सञ्चालन गर्न अक्षम, अनुशासनहीन, अराजनीतिक, अभद्र, अराजक व्यवहार गरी अनुशासन उल्लंघन गरेको लगायतका आरोप लगाउँदै ढकाललाई महामन्त्री र प्रवक्ताको जिम्मेवारीबाट हटाएको छ । असार १९ बसेको केन्द्रीय समितिले उनलाई १ साताका लागि दुवै जिम्मेवारीबाट निलम्बनसमेत गरेको थियो ।

यस्तो छ सभापति ज्ञवालीको खुलापत्र : 
आदरणीय डा. मुकुल सर नमस्कार,
पार्टीको जग बसाउने एक व्यक्ति तपाईं हो त्यसमा दुई मत छैन तर पार्टी स्थापना गर्दा त्यसको नेतृत्व कस्ले गर्छ त्यो महत्त्वपूर्ण थियो र आज पनि छ। म एक चितवनको रास्वपाको पहिलो सदस्य हुँ त्यो केन्द्रको रेकर्डले पनि बताउला तर पार्टी स्थापनामा को को ब्यक्ति छन् कस्ता कस्ता ब्यक्ति छन् भन्ने कुरा त्यतिबेला मैले सोचिन किनकि रबि लामिछाने एक बिश्वासको पात्र हुन् उनको पछि आउने ब्यक्ति पक्कै राम्रा आउछन् भन्ने सोचेँ र परिचित हुँदै जादा धेरै राम्रा ब्यक्ति पनि भेटेँ । ती मध्य राम्रो व्यक्ति मेरो नजरमा हजुर पनि हो र रास्वपाको एउटा ब्रेनको पार्ट डा. मुकुल ढकाल हुन् भन्ने गर्थे !तर किन एकाएक त्यो ब्रेनमा समस्या आयो मैले पत्तालाउन सकिनँ !! आदरणीय मुकुल सर रबि सरले जनताको बिश्वास जित्न धेरै वर्ष मिडियामा काम गरि जनताको सरोकारको बिषयमा सरकारले गर्न नसकेका काम गरेरमात्र जनताको मन जित्नु भएको हो। अहिले तपाईंले भनेजस्तो तुरुन्तै रबिको पार्टी नभई रा स्व पा बन्नुपर्छ भन्ने कुरामा म सहमत छैन किनकी रा स्व पा बन्नको लागि तपाईं ,म र हामी सबै रा स्व पा परिवारले सत्कर्म गर्नुपर्छ अनि मात्र जनताले रा स्व पा पार्टीलाई बिश्वास गर्छन् अलि छिटो हतारियौँ कि ? पार्टी खोलेको ६ महिनामा चुनावमा होमिएको पार्टी २० सिट जितेर चौथो ठुलो राष्ट्रिय पार्टी हुन पुग्यो। हो तपाईं हामी सबैले निस्वार्थ भावनाले अथाह मिहिनेत र परिश्रम गर्यौँ तर यो सबै हुनुको पछाडी जनताको बिश्वास र आशाको दियो रबि लामिछाने नै हुन् । तर अब रबिको नामले मात्र जितिदैन भन्ने उदाहरण इलामको चुनावले देखाइसकेको छ । अब त हामी झन इलामको चुनावी समीक्षा गरेर गल्ती कमजोरी पत्ता लाएर अगाडि बढ्ने भनेर देशै भरी समीक्षा यात्रा गर्न सभापतिको हातबाट दहि खाएर हिड्नु भएको तपाईं फर्केर आएपछि एकाएक मिडियामा हलचल गर्नु भयो । पार्टी अब विवेकशील पार्टी जस्तै पतनको बाटोतिर गयो भनेर सबै आशाको दियो जोगाउन हत्केलाले दियो छेक्ने ब्यक्तिहरुमा नैरास्यता पैदा गरिदिनु भयो र सबै गल्ती पार्टी सभापतिलाई थुपार्नु भयो । यदि पार्टी गलत दिशातिर जाँदै छ भने तपाईं, म र हामी सबैका काम गर्ने शैली नमिलेर होला त यो त सुधार गर्न सकिन्छ नि डा. साब! यो पार्टीमा शुरूवात अवस्था देखि लाग्ने धेरैजना र पछि जोडिनु हुने धेरैजना छुट्टाछुट्टै भूमिकामा रहेर पार्टी र देशप्रति आफ्नो समय खर्चिनु भएको छ यो देशलाई लगानी गर्नु भएको छ त्यसैले यो पार्टी सकियो अब अगाडि बढ्दैन भन्ने भास्य नफैलाइकन कमि कमजोरीलाई सुधारेर अझ मजबुत बनाउँदै जनतालाई ढुक्क बनाएर अगाडि बढ्नुको विकल्प अरु छैन ! रह्यो कुरा सरकारमा नजानु पर्ने म त भन्छु सरकारमा गएर गज्जब गर्यौँ । नत्र सुमनाले शिक्षामा गरेका र गर्न लागेका काम जनताले कसरी थाहा पाउथे ? श्रममन्त्रालयमा भएका र अब देशमा कसरी रोजगार सृजना गरि बिदेश जान रोक्ने भन्ने योजना जनताले कसरी जानकारी पाउँथे ? खेलाडी भन्दा अन्य दलाल देशको ढुकुटी रित्तो पार्न जानबाट रोकेको जनताले कसरी थाहा पाउथे र यो देशको सत्ता र सरकार मेरो हातमा छ , मैले जे चाह्यो त्यही हुन्छ भन्ने यो देशका कलङ्कहरुका फाइल एक पछि अर्को गर्दै खोल्दै मुद्दा चलाउने र आफुलाई देशको शक्तिशाली भन्नेहरू पनि पक्राउ पुर्जी आउने डरले रातारात विपरीत ध्रुबको मिलन हुने कस्ले बनायो भन्ने जनताले कसरी बुझ्थे ? यी यावत कुराको प्रमाणित गरेर अब रा स्व पा बाहिर बसेर रचनात्मक प्रतिपक्षी भएर मिसन ८४ को तयारी गर्नुपर्छ भन्दै नेपालको पहिलो स्थापना भेला चितवन र यहाँका ७ वटा पालिकाहरुबाट भएकाले सम्पूर्णलाई स्थापना दिवसको शुभकामना दिँदै असार २५ विशेष रहेको अवगत गर्दछु ।
भरतपुर महानगरपालिका सभापति
सीता ज्ञवाली