चितवन, असार २४
चितवनमा लागुऔषध सहित दुई जनालाई प्रहरीले नियन्त्रणमा लिएको छ ।
आइतबार दिउँसो इलाका प्रहरी कार्यालय टाँडीबाट खटिएका प्रहरी टोलिले बिषेश सूचनाको आधारमा खैरहनी नगरपालिका वडा नम्बर ६ हाजिपुरस्थित खोलाको किनारमा ध २ प १५६७ नं को मोटरसाइकललाई रोकी चेकजाँच गर्दा लागुऔषध ट्रामाडोल ३०० ट्याब्लेट र नाईट्राजेपाम २४ ट्याब्लेट फेला परेको प्रहरीले जनाएको छ ।
पक्राउ पर्नेहरु मोटरसाइकल चालक बाग्लुङ नगरपालिका वडा नम्बर १२ घर भई हाल जिल्ला चितवन खैरहनी नगरपालिका वडा नम्बर ६ बस्ने १९ वर्षीय प्रतिक भेटवाल र सोही मोटरसाइकलमा सवार जिल्ला चितवन खैरहनी नगरपालिका वडा नम्बर ५ बस्ने २१ वर्षीय युकेश खत्री रहेका छन् ।
निजहरुलाई लागुऔषध सहित नियन्त्रणमा लिई चितवन जिल्ला अदालतबाट दिन ७ म्याद थप गरि अनुसन्धान भइरहेको प्रहरीले जनाएको छ ।
तपाईको प्रतिक्रिया
सम्बन्धित समाचार














