काठमाडौं,असार १२
२०८० सालको माध्यमिक शिक्षा परीक्षा (एसईई) को नतिजा बिहीबार (भोलि) बिहान सार्वजनिक हुने भएको छ । राष्ट्रिय परीक्षा बोर्डका परीक्षा नियन्त्रक नन्दलाल पौडेलले बिहीबार बिहान नतिजा सार्वजनिक गरिने जानकारी दिए ।
“अहिले बोर्ड बैठक बस्दै छ, आजै रिजल्ट आउट गर्न हतार गर्दैनौँ, भोलि बिहान सार्वजनिक गर्ने तयारी छ,” पौडेलले भने ।
नतिजा सार्वजनिक गर्न सम्पूर्ण तयारी पूरा भएको उनले बताए । नतिजा हेर्न बोर्डले १० वटा वेबसाइट र पाँचवटा एसमएस सर्टकोड को व्यवस्था गरेको छ ।
२०८० चैत १५ देखि २७ गतेसम्म सञ्चालन भएको एसईईमा चार लाख ८८ हजार विद्यार्थी सहभागी भएका थिए ।
