चितवन, ७ असार
सबि एजुकेसन ग्रुपको चपस्टिकले खाने प्रतियोगिता सम्पन्न भएको छ । कार्यक्रम सबि एजुकेसन ग्रुपमा जापानि भाषा पढ्ने विद्यार्थीलाई लक्षित गरि आयोजना गरिएको हो ।
जापान गएपछि खानेकुराहरु चपस्टिकले खानु पर्ने भएकाले विद्यार्थीहरुलाई सहज बनाउन कार्यक्रम गरिएको आयोजकले जनाएको छ ।
कार्यक्रममा ३१ जना विद्यार्थीहरुले सहभागिता जनाएका थिए । उक्त प्रतियोगितामा रत्ननगरवासी सुनिल गरुङ प्रथम भएका छन् ।
सबि एजुकेसन ग्रुपको संचालक सबिना पोखरेलले आगामी दिनहरु पनि मनोरन्जनका विभिन्न कार्यक्रमहरु गर्ने बताउनु भएको छ । संचालक पोखरेलले चितवनमा पहिलो पटक चपस्टिकले खाने प्रतियोगिता सबि एजुकेसनले गरेको बताउनुभयो ।
