चितवन, २५ जेठ
लियो क्लब अफ रत्ननगर मिड नेपालको आठौँ वार्षिक साधारण सभा सम्पन्न भएको छ । बिहिबार सम्पन्न भएको साधारण सभाबाट हिमांशु घिमिरेको अध्यक्षतामा नयाँ कार्य समिति चयन गरिएको हो ।
क्लबको प्रथम उपाध्यक्षमा अंकित पण्डित, द्वितीय उपाध्यक्षमा हरी प्रसाद रिमाल, तृतीय उपाध्यक्षमा सुदील चौधरी, सचिवमा अन्जन खनाल, सहसचिवमा अमन खनाल, कोषाध्यक्षमा कञ्चन भट्ट, सह-कोषाध्यक्षमा प्रभात अंगाई चयन भएका छन् ।
त्यस्तै पब्लिक रिलेसन अफिसरमा दीपक थारु र टेल टिष्टरमा चिरञ्जीवी ढुंगाना चयन भएका छन् ।
कार्यक्रममा नवनिर्वाचित अध्यक्ष घिमिरेले सामाजिक कार्यहरुलाई निरन्तरता दिँदै आगामी दिनमा अझ रचनात्मक तरिकाले अघि बढ्ने बताए ।
