चितवन, १ जेठ
चितवनमा कोक बोक्ने डिब्बा ट्रकले मोटरसाइकललाई ठक्कर दिंदा एकजनाको मृत्यु भएको छ। मृत्यु हुनेमा मोटर साइकल चालक खैरहनी नगरपालिका ८ बस्ने ३३ वर्षीय प्रविण कुँवर रहेका छन्।
आज बिहान १२:२० बजेको समयमा टांडीबाट खैरहनी तर्फ जाँदै गरेको ना. ३७ प ४९०९ नम्बरको मोटरसाइकललाई ना ४ ख ४१२८ नम्बरको डिब्बा ट्रकले ठक्कर दिएको हो ।
ट्रकको ठक्करबाट गम्भीर घाइते भएका कुँवरको नयाँ मेडिकल कलेज भरतपुरमा उपचारको क्रममा बिहान १:२० बजे मृत्यु भएको प्रहरीले जनाएको छ ।
चालक हेटौडा उपमहानगर ११ बस्ने ३८ वर्षीय नवीन उप्रेतीलाई प्रहरीले नियन्त्रणमा लिएको छ। ठक्कर दिई फरार रहेको ट्रक र चालकलाई प्रहरीले रत्ननगर न.पा.१४ पिठुवा स्थित कोकको डिलरबाट नियन्त्रणमा लिएको हो ।
