त्यसैगरी न्यौपानले प्रदेश सरकारको ईआईएको नाममा उद्योगीहरुले वर्षौदिन समस्या भोगीरहनु परेको, छिटो छरितो रुपमा उक्त कार्य सम्पन्न गराउने व्यवस्थाको लागि प्रदेश सरकार गम्भिर हुन र देशभरका स्थानीय पालिकाहरुमा उद्योगग्राम बनाउने सरकारको विगतको नीति तथा कार्यक्रम र बजेटमा व्यवस्था गरिएको भएता पनि कुनैपनि पालिकामा उद्योगग्रामको सञ्चालन हुन नसकेको विषयमा आफ्ना धारणाहरु राख्नुभएको थियो ।

आर्थिक पत्रकार एवम् कान्तिपुर दैनिकका बरिष्ठ उप सम्पादक यज्ञ बन्जाडे मोडेरेटरको रुपमा रहनुभएको सेमिनारको मुख्य वक्ताको रुपमा राष्ट्रिय योजना आयोगका पूर्व उपाध्यक्ष, प्रा.डा.गोविन्दराज पोखरेलले “वर्तमान आर्थिक परिदृश्य र सुस्ताएको अर्थतन्त्रलाई चलायमान गर्न सरकारी तथा निजी क्षेत्रबाट खेल्नुपर्ने भूमिका” को विषयमा भर्चुअल माध्यमबाट आफ्नो भनाई राख्नुभएको थियो ।

सेमिनारको प्यानलिष्टको रुपमा रहनुभएका बागमती प्रदेश, नीति तथा योजना आयोग, उपाध्यक्ष डा.नरविक्रम थापाले “बागमती प्रदेश सरकारको औद्योगिक नीति तथा वर्तमान समयमा सुस्ताएको आर्थिक गतिविधि चलायमान गर्न प्रदेश सरकार तथा निजी क्षेत्रबाट खेल्नुपर्ने भूमिका”, नेपाल राष्ट्र बैंकका बैंक तथा बित्तीय संस्था नियमन विभागका प्रमुख गुरुप्रसाद पौडेलले “वर्तमान आर्थिक परिदृश्य र सुस्ताएको अर्थतन्त्रलाई चलायमान गर्न नेपाल राष्ट्र बैंकले खेलिरहेको भूमिका र आगामि कार्ययोजना”, नेपाल उद्योग परिसंघका अध्यक्ष राजेश कुमार अग्रवालले भर्चुअल माध्यमबाट “वर्तमान आर्थिक परिदृश्य र सुस्ताएको अर्थतन्त्रलाई चलायमान बनाउन नीजि क्षेत्रले गरेको प्रयास र तीनै तहका सरकारसँगको अपेक्षा” नेपाल सरकार, उद्योग, वाणिज्य तथा आपूर्ति मन्त्रालयका सह–सचिव एवम् पूर्वाधार तथा वातावरण महासंघका प्रमुख चन्द्रकला पौडेल, भरतपुर महानगरपालिकाका प्रमुख प्रशासकीय अधिकृत नरेन्द्र कुमार रानाले “स्थानीय सरकारको औद्योगिक नीति, स्थानीय स्तरमा औद्योगिक विकासको लागि स्थानीय सरकारले खेलिरहेको भूमिका र प्रदेश तथा संघीय सरकारसँग अपेक्षित कानून” सम्बन्धित शीर्षकमा रहेर आफ्ना धारणाहरु राख्नुभएको थियो ।

सेमिनारमा उपस्थिति सहभागीहरुले आफूहरुलाई लागेका जिज्ञासाहरु राखेका थिए । प्राप्त जिज्ञासाको आधारमा सम्बन्धित क्षेत्रका व्यक्तिहरुबाट सम्बोधन गरिएको थियो ।
चितवन उद्योग संघका कार्यकारी निर्देशक गणेश प्रसाद सिलवालले सञ्चालन गर्नुभएको सेमिनारको चितवन उद्योग संघका उपाध्यक्ष एवम् औद्योगिक नीति निर्माण समन्वय तथा अनुसन्धान विभागका विभागीय प्रमुख गोपाल प्रसाद गैरेले धन्यवाद मन्तव्य सहित समापन गर्नुभएको थियो ।

प्रदर्शनी अन्तर्गत अनलाइटबाट रजिष्ट्रेशन गरी प्रदर्शनी अवलोकन गर्ने अवलोकनकर्ताहरु मध्येबाट दैनिक तीन जनालाई गोलाप्रथाको माध्यमबाट आकर्षण गिफ्टह्याम्पर प्रदान गर्ने योजना अन्तर्गत आज चौथो दिन कुपन नं. २१२३ का नारायण न्यौपाने प्रथम, कुपन नं. १७५८ का नवराज महतो दोश्रो र कुपन नं. १७८७ का राजकुमार घले तेश्रो हुन सफल भएका छन् । प्रथम पुरस्कार प्राप्त गर्ने एक जोडीको लागि क्षेत्रीय होटल संघ, सौरहाले सौराहाको होटलमा बसाई र बिहानको नास्ता, चितवन उद्योग संघको पदाधिकारीबाट जिप सफारी, दोश्रो पुरस्कारको रुपमा चितवन उद्योग संघको संयोजनमा प्रदर्शनी हल एमा रहेका प्रदर्शकहरुका उत्पादनहरु र तेश्रो पुरस्कारको रुपमा आयोजक संस्था कम्प्युटर एशोसिएशसन महासंघ चितवन शाखाको तर्फबाट आकर्षक गिफ्टहेयाम्पर प्रदान गरिएको छ । प्रदर्शनी अन्तर्गत भएको फ्रि सर्भिस क्याम्पमा २५ जना भन्दा बढीले निःशुल्क सेवा प्राप्त गरेका थिए ।