भरतपुर, १४ चैत
चितवनको भरतपुर महानगरपालिकाले यस वर्ष लिएको कक्षा ८ को आधारभूत तह परीक्षाको एक विषयको प्रश्नपत्र प्याब्सन भरतपुरले लिएको सोही विषयको आधारभूत तह पुर्ब तयारी परिक्षाको प्रश्नपत्रसंग हुबहु मिलेको पाइएको छ । गत चैत्र ८ गते संचालित आधारभुत तह परिक्षाको स्वास्थ्य तथा शारीरिक विषयको प्रश्नहरु गत फाल्गुन १५ मा प्याब्सन भरतपुरले संचालन गरेको सोही विषयको परिक्षामा सोधिएको प्रश्नहरुसङ ८० प्रतिशत भन्दा बढी हुबहु मिलेको पाइएको हो।
पहिले नै सोधिएको प्रश्नहरू अन्तिम परिक्षामा आएको भरतपुरस्थित संस्थागत विद्यालयका एक विद्यार्थीले बताए । उनले भने, “प्रश्नपत्र पाउनासाथ सरसर्ति हेरेँ, एकपछी अर्को प्रश्न गर्दैगर्दा तयारी परिक्षामा आएका प्रश्नहरु थिए । विद्यार्थीका अनुसार अरु विषयमा भने यस्तो नभएको तर यो विषयमा भने ५० पूर्णाङ्क मध्य ४२ बढी अन्कको पुरानै प्रश्न दोहोरिएको छ । सुरुका एक दुई प्रश्न ,मध्य र अन्तिममा बाहेक हुबहु पहिलेकै प्रश्न सोधिएको छ ।”
महानगरले लिने आधारभुत परीक्षा कै प्रश्नपत्र हुबहु आएपछी महानगरको शैक्षिक प्रशासन माहाशाखाले गम्भीर ध्यानाकर्षण भएको जनाएको छ । महाशाखा प्रमुख नगर शिक्षा अधिकारी महेन्द्र पौडेलले त्रुटी भएकाले प्रभाब मुल्यांकन गरी छानबिन गरिने बताउनुभयो । उहाँले परीक्षा समितिलाइ नै प्रश्नपत्र निर्माण देखि सम्पुर्ण जिम्मेवारी दिएको बताउनुभयो। ७ जनाको आधारभुत तह परीक्षा समिति बनेको छ । समितिलाइ नै सम्पुर्ण जिम्मेवारी दिइएको छ । प्रश्न निर्माण गर्नेदेखि परीक्षा संचालनसम्म समितिले गर्ने गर्दछ। पौडेललेका अनुसार तत्काल छानबिन गरेर गम्भीर त्रुटी भए कारबाही हुनेछ ।
यस्तै परीक्षा समितिका सदस्य प्याब्सन भरतपुरका सचिब मीनराज बस्ताकोटिले शिक्षकको सामान्य त्रुटीले परिणाम अनपेक्षित आएको जानकारी दिनुभयो । उहाँले आगामी दिनमा यस्ता कमजोरी नगर्न र परिक्षालाई लिएर जिम्मेवार बन्न आग्रह गर्नुभयो ।
छानबिन समितिले काम थाल्यो ,५ दिनमा प्रतिबेदन बुझाउने
प्रश्नपत्र हुबहु मिलेसङै भरतपुर महानगरपालिकाको शिक्षा महाशाखाले तीन सदस्यीय छानबिन समिती बनाएर छानबिन सुरु गरेको छ।महानगरका शिक्षा अधिकृत शिव ढुङ्गानाको संयोजकत्वमा तीन सदस्यीय छानबिन समिती गठन गरिएको हो।समितिमा संस्थागतका तर्फबाट मिनराज बस्ताकोटि र सामुदायिकका तर्फबाट दुर्गा लामिछाने रहनुभएको छ । छानबिन समितिले प्रश्नपत्र निर्माण गर्ने संस्थागत बिद्यालयका उक्त शिक्षकको स्पस्टिकरण लिने बताइएको छ । समितिले कुनै प्राबिधिक त्रुटी वा गम्भीर त्रुटी एकिन गर्न सघन अनुसन्धान गर्ने भनिएको छ। प्रश्नमध्यस्थतकर्तालाइ समेत जवाफ माग गर्ने समितिले जनाएको छ।छानबिन समितिले पाँच दिनमा महानगरलाई प्रतिबेदन पेश गर्नेछ । प्रतिबेदन आएसङै उक्त विषयको पुनः परीक्षा हुने वा नहुने टुंगो लाग्नेछ ।
कसरी बन्छ ८ कक्षाको आधारभुत तह परिक्षाको प्रश्नपत्र ?
स्थानीय सरकार सञ्चालन ऐन २०७४ को दफा ११ को उपदफा (२) को खण्ड (ज) को उपखण्ड (१४) बमोजिम आधारभूत तहको कक्षा ८ को परीक्षा सञ्चालन तथा प्रमाणीकरणको जिम्मेवारी तथा दायित्व स्थानीय सरकारको हुने व्यबस्था छ । प्रश्नपत्र निकाल्दा परीक्षाको वैधता, विश्वसनीयता र गोपनीयता कायम रहनेगरी निष्पक्ष रूपमा प्रश्नपत्र निर्माण गर्नु पर्ने प्रावधान छ । अन्य स्थानिय तहसङै भरतपुर महानगरको हकमा पनि यो लागू हुन्छ । भरतपुर महानगरले यस वर्ष संचालन गर्ने आधारभुत तह परिक्षाका लागि प्रमुख प्रशासकिय अधिकृत नरेन्द्र रानाको संयोजकत्वमा सात सदस्यीय परीक्षा समिती बनेको छ । समितिमा महानगरका शिक्षा अधिकृतसङै सामुदायिक एबम संस्थागत बिद्यालयका शिक्षकहरु रहेका छन् । परिक्षा समितिलाइ नै प्रश्नपत्र निर्माण देखि परीक्षा संचालनसम्मको सम्पुर्ण जिम्मेवारी दिइएको छ । समितिले केही सामुदायिक विद्यालय र केही संस्थागत बिद्यालयका विषयशिक्षकहरुलाइ महानगरमा बोलाएर बढीमा चार सेट प्रश्नपत्र बनाउन निर्देशन दिने गर्द्छ।प्राप्त सेटलाइ मध्यस्थकर्ताले सबै पक्षलाई ध्यानमा राख्दै मध्यस्थता गर्दै अन्तिम प्रश्नपत्र छापाखाना पठाइन्छ । छापाखानाबाट छापिएको अन्तिम प्रश्नपत्र नै विद्यार्थीले प्राप्त गर्ने गर्द्छन। (चितवन अपडेटबाट )
