चितवन, फागुन २० –
बदलिँदो समय र आधुनिकता प्रतिको मोहको विकासले सम्पूर्ण शैक्षिक प्रणालीलाई नै प्रभावित बनाएको छ । शैक्षिक प्रणालीलाई आधुनिक प्रविधि आजको मुख्य आवश्यकता हो तर आधुनिकतासँगै आएका केही नकरात्मक पक्ष र प्रभावको कारण बालसिकाई यान्त्रिक र अप्राकृितक हुँदै गएको छ ।
बालसिकाई पाठशालाहरु पनि बालबालिकाको समग्र पक्षको पहिचान नै नगरी विकसित देशहरुको प्रणालीलाई हबहु नक्कल गरी प्रयोगमा ल्याएको पाइन्छ ।
बाहिर देख्दा आधुनिक देखिने तर हाम्रो धरातल, संस्कार, सभ्यतासँग बेमेल हुने प्रणाली शैक्षिक सामाग्री प्रयोग मात्र गरेर वा महंगो पद्दती अपनाएर मात्र सिकाई उत्कृष्ट हुन्छ भन्ने विश्वास आम अभिभावकमा व्याप्त हुनु नेपालको बालसिकाई प्रणालीको सबैभन्दा चुनौतीपूर्ण र भावी समस्याको रुपमा देखिन्छ ।
तर शैक्षिक नियमनकारी निकायहरु बाल सिकाईलाई महत्व दिँदैनन्, निजि क्षेत्रका मन्टेश्वरी तथा बालविकासहरु पनि केवल अभिभावकलाई आकर्षण गर्ने र सामाजिक सञ्जालमा तस्विरहरु राख्न मात्र सिकाई प्रदान गर्ने नशामा छन् र अभिभावकहरु पनि कस्मेटिक आधुनिकतामा मख्ख छन् । यो झन् विकारल समस्या हो ।
000
विगत एक दशकदेखि निरन्तर बालसिकाई उत्कृष्ट बनाउन प्रयासरत भरतपुर महानगरपालिका १० दिप्रेन्द्र चोकमा अवस्थित स्वर्णिम पाठशालाले सानैदेखि आफ्नो धरातल, संस्कार, सभ्यता र समाज अनुकूल सिर्जनात्मक शिक्षा प्रदान गर्दै अत्याधुनिक सिपकलाको विकास गराउने उत्कृष्ट प्रणाली सुरुवात गर्दै स्वर्णीम पाठशालाले आफ्नो १० औं वार्षिक उत्सव सम्पन्न गरेको छ ।
बालबालिकाको धरातल संस्कार र सभ्यताको विकास गरी आधुनिक संसारको लागि तयार बनाइने यस प्रणाली प्रति सचेत अभिभावकहरुलाई सम्बोधन गर्दै पाठशाला संचालिका सुभद्रा आचार्य भन्छिन्, ‘यस वर्षदेखि बालबालिकाहरुमा लकडाउनदेखि विभिन्न सामाजिक तथा अन्य अवस्थाले पारेका प्रभाव कम गराउनु हरेक बालसिकाई पाठशाला हो । बालसिकाई केन्द्र व्यावसाय होइन यो व्यवसायिक सेवा हो भन्ने मनन गरी अभिभावक लोभ्याउने भन्दा सिकाई गुणस्तरीय बनाउने तिर जोड दिनुपर्ने आजको आवश्यकता हो ।’
अब स्वर्णिम पाठशालाले बालसिकाई उन्नत बनाउँदै जिल्ला स्तरमै उत्कृष्ट बनाउने लक्ष्य लिएको उनले बताइन् । आचार्य भन्छिन्, ‘बालबालिकाहरु अभिभावकका भविष्य हुन् । आफ्ना भविष्य सुनिश्चित गर्न अभिभावकले सिकाईको वास्तविक स्वरुप बुझ्न जरुरी छ ।’
लेखका बारेमा :
– 000 भन्दा माथि उल्लेखित लेख स्वर्णिम पाठशालाका संचालिका सुभद्रा आचार्यको विचारमा आधारित रहेर चितवन आजले तयार पारेको हो ।
तस्विरमा हेर्नुहोस् स्वर्णिम पाठशालाको वार्षिकोत्सव । सँगै वार्षिकोत्सवको पूरा कार्यक्रम समेटिएको भिडियो भोलि यही लिंकमा देखिने छ भने चितवन आजको फेसबुक पेज र युटुब च्यानलमा पनि देख्न सकिने छ ।
तस्विर (photo by) : हिरालाल आचार्य ‘डायमण्ड’
