कार्यक्रममा स्टार्स तेक्वान्दो दोजाङका ५ देखि ६ वर्षका स्टार्स मन्टेश्वरीमा अध्ययनरत बालबालिकाको सहभागिता रहेको थियो भने स्याडोज वारियर तेक्वान्दो दोजाङ्बाट भने ६ वर्ष माथिका विद्यार्थीहरु पनि सहभागि भएका थिए ।

कार्यक्रममा आफ्ना नानीबाबुहरुको प्रतिभा देखेर उपस्थिति स्टार्स मन्टेश्वरीमा अध्ययनरत विद्यार्थीका अभिभावकहरु दंग परेका थिए ।

स्टार्स मन्टेश्वरीका प्रवन्ध निर्देशक गणेश रानाका अनुसार स्टार्स मन्टेश्वरी मातहत रहेको स्टार्स तेक्वान्दो दोजाङमा तेक्वान्दोको तालिम सञ्चालन गरिन्छ । मन्टेश्वरीको प्राङ्गणमा हुने तालिममा बिहान ६ वर्ष माथिका बाहिरी विद्यालयका विद्यार्थीलाई सिकाइन्छ भने दिउँसो मन्टेश्वरीमा अध्ययनरत ५ देखि ६ वर्षका नानीबाबुलाई सिकाइन्छ ।

मन्टेश्वरीको क्षेत्रमा ब्राण्डका रुपमा स्थापित बनेको स्टार्स मन्टेश्वरी धेरै अभिभावकहरुको रोजाइमा पर्न सफल मन्टेश्वरी हो । जहाँबाट तपाईंका नानीबाबुहरुको भविष्य निर्माणको पाइला सुरु हुन्छ भन्ने नाराका साथ स्टार्स मन्टेश्वरी वि.सं. २०६७ सालमा स्थापना भएको थियो । जुन भरतपुर महानगरपालिका ११ मालपोत चोकमा अवस्थित छ ।

मन्टेश्वरीले बालबालिकालाई अतिरिक्त क्रियाकलापहरु सिकाउँदै आइरहेको छ । जसअन्तर्गत गायन, नृत्य र तेक्वान्दोलाई बढी प्राथमिकतामा राखेको छ । यसलाई अझै प्रभावकारी बनाउँदै लैजाने योजना मन्टेश्वरीले बनाएको छ ।

केही महिना अगाडि भरतपुर साथसाथै भारतमा भएको तेक्वान्दो प्रतियोगितामा स्टार्स तेक्वान्दो दोजाङ्का प्रतियोगिहरुले खेलमा विभिन्न पदक हात पार्न सफल भएको मन्टेश्वरीका प्रबन्ध निर्देशक रानाले जानकारी दिए ।