चितवन, माघ ९
जिल्ला प्रहरी कार्यालय चितवन तथा मातहत प्रहरी कार्यालयबाट खटिएको प्रहरी टोलिले दुई दिनमा विभिन्न मुद्दाका ४२ जना फरार अभियुक्त नियन्त्रणमा लिएको छ ।
जिल्ला अदालत चितवनबाट विभिन्न मुद्दामा र विभिन्न मितिमा कैद तथा जरिवाना भुक्तान गर्न बाँकी रहेका ४२ जना फरार अभियुक्तलाई माघ ८ र ९ गते चितवनका विभिन्न क्षेत्रबाट नियन्त्रणमा लिइएको प्रहरी जनाएको छ ।
प्रहरीका अनुसार उनीहरुबाट ३० बर्ष ९ महिना २५ दिन कैद र ५ लाख २२ हजार रुपैयाँ जरिवाना भुक्तान गर्न बाँकी छ ।
