-माधव सापकोटा
पौष १८, चितवन
२०३१ सालमा प्रतिष्ठा भई संचालन हुँदै आएको र २०७४ सालदेखि जीर्णोद्धारात्मक नव निर्माण प्रारम्भ भएर दाक्षिणात्य कलात्मक शैलीमा नव- निर्मित दिव्य भव्य श्रीलक्ष्मीवैकुण्ठनाथ मन्दिर , भरतपुर-४, धर्मचोक,लंकु, चितवनमा आगामी फागुन २ देखि १० गतेसम्म गोवर्धन रङ्गाचार्य “बालक स्वामी”ज्यूको परम प्रधान आचार्यत्व, पीठाधीश स्वामी जगन्नाथाचार्यको संरक्षकत्व एवम् डा. चक्रपाणि आचार्यको प्रमुख वाचकत्व तथा नेपाल-भारतका प्रमुख सन्त- महात्माहरूको उपस्थितिमा हुने श्रीलक्ष्मीवैकुण्ठनाथ नव मन्दिर प्राण- प्रतिष्ठा महायज्ञ महामहोत्सव २०८० को सचिवालयको आज उद्घाटन गरिएको छ।
मन्दिरका पीठाधीश स्वामी जगन्नाथाचार्यको पावन सान्निध्य तथा मन्दिरद्वारा सञ्चालित गुरुकुलका पूर्व प्राचार्य दामोदर सापकोटाको प्रमुख आतिथ्य एवम् मूल समितिका संयोजक कमलनयन कँडेलको सभापतित्वमा वैदिक विधिपूर्वक पूजा- अर्चनाका साथ सचिवालयको उद्घाटन गरिएको हो।
महायज्ञ सम्पन्न गर्न आज पनि ९ वटा विभिन्न उपसमितिहरू गठन गरिएको छ । मन्दिर प्राङ्गणमा आज बसेको भेलाले मोटर साइकल- गाडी र्याली तथा सांस्कृतिक कार्यक्रम संयोजकमा अर्जुन सापकोटा, अतिथि स्वागत सत्कार संयोजकमा सुदर्शन कँडेल , भोजन व्यवस्थापन संयोजकमा दुर्गाप्रसाद कँडेल , सदस्यमा कृष्ण गैरे, कमला सुवेदी, आवास व्यवस्थापन संयोजकमा राजु सापकोटा , सदस्यमा भागवत सापकोटा , मारवाडी तथा तराइवासी सम्पर्क समन्वय संयोजकमा जयकिशोर पाण्डेय, आन्तरिक संरक्षण सहयोग संयोजकमा पूर्णचन्द्र बस्याल, टोलविकास सम्पर्क समन्वय संयोजकमा रामजी पौडेल , बजार व्यवसायी सम्पर्क समन्वय संयोजकमा हेमराज पौडेल , सदस्यमा कृष्ण कँडेल, पूजासामग्री व्यवस्थापन संयोजकमा सीता गौतमलाई चयन गरेको छ।
